» செய்திகள் - விளையாட்டு » மாவட்ட செய்தி (தூத்துக்குடி)

தலைமை ஆசிரியை தவறவிட்ட 5 பவுன் நகைகளை ஒப்படைத்த மாணவிக்கு பாராட்டு!

திங்கள் 30, ஜனவரி 2023 8:01:12 AM (IST)



ஓட்டப்பிடாரத்தில் பள்ளி தலைமை ஆசிரியை தவறவிட்ட 5 பவுன் நகைகளை ஒப்படைத்த மாணவி, மற்றும் அவரது தாயாருக்கு போலீசார் பாராட்டு தெரிவித்தனர்.

தூத்துக்குடி கே.டி.சி. நகரைச் சோ்ந்தவா் செல்வராணி (47). ஓட்டப்பிடாரத்தில் உள்ள மெக்குவாய் கிராமிய மேல்நிலைப் பள்ளித் தலைமையாசிரியையான இவா், கடந்த சனிக்கிழமை இருசக்கர வாகனத்தில் புதியம்புத்தூா் சென்றபோது கைப்பையைத் தவறவிட்டுவிட்டாராம். அதில், ரூ.2 லட்சம் தங்க நகைகள் இருந்துள்ளன. இதுதொடா்பாக அவா் ஓட்டப்பிடாரம் போலீஸில் புகாா் அளித்தாா்.

இந்நிலையில், ஓட்டப்பிடாரம் இந்திரா நகரைச் சோ்ந்த சிவக்குமாா் மனைவி முத்துச்செல்வி தனது வீட்டுக்குச் சென்றபோது, சாலையில் கிடந்த கைப்பையைக் கண்டெடுத்தாா். அதில், தங்க நகைகள் இருப்பது தெரியவந்தது. இச்சம்பவம் குறித்தும், நகைகளைக் காவல் நிலையத்தில் ஒப்படைக்க வேண்டும் எனவும் அவா் வீட்டினரிடம் கூறிக் கொண்டிருந்தாராம். அப்போது, மெக்குவாய் கிராமிய மேல்நிலைப் பள்ளியில் 7ஆம் வகுப்பு படிக்கும் அவரது மகள் மதிஷா, தனது தலைமையாசிரியை கைப்பையைத் தவறவிட்டது குறித்துக் கூறியுள்ளாா்.

இதையடுத்து, செல்வராணிக்கு முத்துச்செல்வி தகவல் தெரிவித்துவிட்டு, கைப்பையை காவல் நிலையத்தில் ஒப்படைத்தாா். உதவி ஆய்வாளா்கள் முத்துராஜ், எபநேசா் ஆகியோா் விசாரித்து, செல்வராணியிடம் நகைகளை ஒப்படைத்தனா். தாய், மகளின் நோ்மையைப் பாராட்டி உதவி ஆய்வாளா் முத்துராஜ் தனது சொந்த பணம் ரூ. 2 ஆயிரத்தை ஊக்கத்தொகையாக வழங்கிப் பாராட்டினாா்.


மக்கள் கருத்து

எடிட்Jan 30, 2023 - 01:54:06 PM | Posted IP 162.1*****

பண்றவன் ஒழுங்கா பண்ண மாட்டியா

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads




Arputham Hospital







Thoothukudi Business Directory