கண்மாயில் மூழ்கி விவசாயி பரிதாப சாவு!

விளாத்திகுளம் அருகே கண்மாயில் குளிக்கச் சென்ற விவசாயி நீரில் மூழ்கி உயிரிழந்த சம்பவம் அப்பகுதியில் சோகத்தை ஏற்படுத்தியுள்ளது. 

தூத்துக்குடி மாவட்டம் விளாத்திகுளம் அருகே உள்ள கத்தாளம்பட்டி பகுதியைச் சேர்ந்த கென்னடி (48). இவரது மனைவி அந்தோணியம்மாள் இருவரும் விவசாயம் மற்றும் ஆடு மேய்க்கும் தொழிலும் செய்து வருகின்றனர். இந்நிலையில் நேற்று கென்னடி ஆடு மேய்த்து விட்டு அப்பகுதியில் உள்ள கண்மாயில் குளிக்கச்  சென்றவர் நீரில் மூழ்கி பரிதாபமாக உயிரிழந்துள்ளர்.

நீண்ட நேரம் ஆகியும் அவர் வீடு திரும்பாததால் உறவினர்கள் அவரை தேடிச் சென்றபோது அவர் கண்மாயில் மூழ்கி இறந்தது தெரியவந்தது. இதையடுத்து அப்பகுதியினர் அவரது உடலை மீட்டனர். இதுகுறித்து தகவல் அறிந்து சம்பவ இடத்திற்கு வந்த விளாத்திகுளம் காவல்துறையினர் அவரது உடலை உடற்கூறு ஆய்வுக்காக விளாத்திகுளம் அரசு மருத்துவமனைக்கு அனுப்பி வைத்தனர். மேலும் வழக்கு பதிவு செய்து விசாரணை மேற்கொண்டு வருகின்றனர். இச்சம்பவம் அப்பகுதியில்சோகத்தை ஏற்படுத்தியுள்ளது.