புதிய வழித்தடத்தில் அரசு பேருந்து சேவை துவக்கம்: பொதுமக்களின் நீண்ட நாள் கோரிக்கை ஏற்பு!

கோவில்பட்டியில் இருந்து வாஞ்சி மணியாச்சி ரயில் நிலையம் வரை வந்து செல்லும் புதிய பேருந்து சேவையை எம்.சி.சண்முகையா எம்எல்ஏ தொடங்கி வைத்தார். 

தூத்துக்குடி மாவட்டம் கோவில்பட்டியில் இருந்து சங்கம்பட்டி வரை வந்து சென்று கொண்டிருந்த பேருந்தை வாஞ்சி மணியாச்சி ரயில் நிலையம் வரை இயக்க வேண்டும் என மணியாச்சி கிராம சுற்றுவட்டார பொதுமக்கள் கோரிக்கை விடுத்து வந்தனர். இந்நிலையில் மக்களி்ன் நீண்ட நாள் கோரிக்கையை ஏற்று புதிய வழித்தடத்தில் பேருந்து சேவையை ஒட்டப்பிடாரம் சட்டமன்ற உறுப்பினர் எம்.சி.சண்முகையா, யூனியன் சேர்மன் ரமேஷ் ஆகியோர் கொடி அசைத்து துவக்கி வைத்தனர்.

இந்நிகழ்வில் தூத்துக்குடி கோட்ட மேலாளர் அழகிரிசாமி கோவில்பட்டி பணிமனை கிளை மேலாளர் ஜெகநாதன், கோவில்பட்டி தொமுச செயலாளர் மாரிமுத்து, மாவட்ட பிரதிநிதி ஜோசப் மோகன், மாவட்ட மாணவர் அணி துணை அமைப்பாளர் மாடசாமி, மணியாச்சி ஊராட்சி மன்ற தலைவர் பிரேமா, அக்காநாயக்கன்பட்டி ஊராட்சி மன்ற தலைவர் அய்யாதுரை, மணியாச்சி கிளை செயலாளர்கள் தம்பான், ரத்தினவேல், மணியாச்சி கிளை பிரதிநிதிகள் பேச்சிபாண்டி, குமார், அய்யாத்துரை பாண்டியன் உட்பட பலர் கலந்து கொண்டனர்.