» செய்திகள் - விளையாட்டு » மாவட்ட செய்தி (தூத்துக்குடி)

தலைமைஆசிரியர் இடமாற்றத்தை ரத்து செய்யகோரி மாணவர்கள், பெற்றோர்கள் போராட்டம்!

சனி 24, செப்டம்பர் 2022 8:28:32 AM (IST)

ஓட்டப்பிடாரம் அருகே, பள்ளி தலைமை ஆசிரியர் இடமாற்றம் செய்ததை ரத்து செய்யக்கோரி மாணவர்களுடன் பெற்றோர்கள் போராட்டத்தில் ஈடுபட்டதால் பரபரப்பு ஏற்பட்டது.

தூத்துக்குடி மாவட்டம், ஓட்டப்பிடாரம் அருகே பெரியநத்தம் கிராமத்தில் அரசு உதவி பெறும் தொடக்கப் பள்ளியில் 45 குழந்தைகள் பயின்று வருகிறனர். இந்தப் பள்ளியில் கடந்த 10 ஆண்டுகளாக தலைமை ஆசிரியராக சாமுவேல் துரை பணியாற்றி வந்தார். கடந்த சில நாட்களுக்கு முன்பு அவர் எஸ்.கைலாசபுரத்தில் உள்ள பள்ளிக்கு பணியிட மாற்றம் செய்யப்பட்டுள்ளார்.

இதற்கு எதிர்ப்பு தெரிவித்தும், உடனடியாக இடமாற்ற உத்தரவை ரத்து செய்யது மீண்டும் அவரை பள்ளியில் பணிஅமர்த்த கோரியும் நேற்று பள்ளி முன்பு மாணவர்களும், பெற்றோரும் போராட்டத்தில் ஈடுபட்டனர்.  இதுகுறித்து தகவல் அறிந்த தூத்துக்குடி மாவட்ட முதன்மை கல்வி அலுவலர் பாலதண்டாயுதபாணி, ஓட்டப்பிடாரம் தாசில்தார் நிஷாந்தினி, வட்டார கல்வி அலுவலர் பவானிந்தி ஈஸ்வரன் ஆகியோர் போராட்டத்தில் ஈடுபட்ட மாணவ, மாணவியரின் பெற்றோர்களிடம் பேச்சுவார்த்தை நடத்தினர். 

அப்போது பெற்றோர் கூறுகையில், நல்ல முறையில் பணியாற்றி வந்த தலைமையாசிரியரை மீண்டும் பள்ளியில் பணியமர்த்த வேண்டும். இல்லையென்றால் பள்ளிக்கு குழந்தைகளை அனுப்ப மாட்டோம் என்று  தெரிவித்தனர். இதைதொடர்ந்து பெற்றோர்களின் கோரிக்கையை ஏற்று, தலைமை ஆசிரியரை மீண்டும் அதே பள்ளியில் பணியமர்த்த உரிய நடவடிக்கை மேற்கொள்ளப்படும் என அதிகாரிகள் உறுதியளித்தனர். இதனைத் தொடர்ந்து போராட்டம் கைவிடப்பட்டது. இதனால் அப்பகுதியில் சிறிது நேரம் பரபரப்பு நிலவியது.


மக்கள் கருத்து

விசுவாசிSep 25, 2022 - 04:06:05 PM | Posted IP 162.1*****

இரண்டு அணிக்கும் எந்த தகுதியும் இல்லை, DC மெம்பர்கள் அரசியல் வாதிகளை விட மோசம், கேவலம், பச்சோந்திகள், இப்படி போன்றவர்களால் நிர்வாக ரீதியான முடிவுகள் குழப்பத்திலயே முடிகிறது. விசுவாசிகள் உங்கள் சபை மெம்பர்களை வேதம் கூறியுள்ள தகுதியின் அடிப்படையில் தெரிந்திடுங்கள், இல்லையேல் மீண்டும் இந்திய மீட்புக்காக நம் தலைமுறை, உபத்திரவப்பட, ரத்தம் சிந்த நேரிடும், அதில் நம் தலாமுரையிலயே கூட நடக்கலாம். திருந்திடு.. அவன் அவன் கிரியைக்கு தக்க பலன் அளிக்க அவர் வருகிறார்..

JOSEPH KANAGARAJSep 24, 2022 - 11:59:43 AM | Posted IP 172.7*****

கல்விஆண்டின் இடைப்பட்ட காலத்தில் இதுபோன்ற பணிமாறுதல்களை அரசும் மாவட்ட கல்வி அதிகாரியும் அனுமதிக்கக்கூடாது

ARASAMUTHUSep 24, 2022 - 11:25:02 AM | Posted IP 162.1*****

Tutyonline very much supporter of DSF Group?

ARASAMUTHUSep 24, 2022 - 11:22:19 AM | Posted IP 162.1*****

DSF துரைராஜ் என்ற பெரு வணிகர் Diocese முழுக்க தனது படத்தை மாட்டவேண்டும். நான்தான் எல்லாம் என்று சீரழித்தார். கடைசியில் அவர் முடிவு படு கேவலமாயிருந்தது. இப்போ இவர் மகன் கையில் எடுத்துள்ளான். இந்த DSF அணியில் பெரும்பாலும் தகுதி இல்லாதவர்களே உள்ளனர். மொத்தத்தில் தூத்துக்குடி நாசரேத் Diocese இல் நிர்வாகம் படு கேவலம். கடவுளின் நாமம் இந்த நாதாரிகளால் தூஷிக்கப்படுகிறது. பழிவாங்குதல் தான் இந்த DSF குரூப் வேலை.

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

மாயமான மாணவிகள் இருவர் மதுரையில் மீட்பு

வியாழன் 1, டிசம்பர் 2022 5:11:09 PM (IST)

Sponsored Ads










Thoothukudi Business Directory