» செய்திகள் - விளையாட்டு » மாவட்ட செய்தி (தூத்துக்குடி)

திருச்செந்தூர் வெயிலுகந்தம்மன் கோவிலில் ஆவணித் திருவிழா கொடியேற்றம்

சனி 6, ஆகஸ்ட் 2022 3:21:34 PM (IST)



திருச்செந்தூர் சுப்பிரமணிய சுவாமி கோவிலுடன் இணைந்த உப கோவிலான வெயிலுகந்தம்மன் கோவிலில் ஆவணித் திருவிழா இன்று கொடியேற்றத்துடன் தொடங்கியது. 

முன்னதாக அதிகாலை 4.30மணிக்கு கோவில் நடை திறக்கப்பட்டு, சிறப்பு யாகபூஜை, கும்பபூஜை, தீபாராதனை நடைபெற்றது. அதனை தொடர்ந்து கொடிமரத்திற்கு சிறப்பு பூஜைகள் நடைபெற்றது. பின்னர் குட்டி ராஜன் வல்லவராயர் அதிகாலை 5.20 மணிக்கு கொடியேற்றிவைத்தார். பின்னர் கொடிமரத்திற்கு 16 வகையான அபிஷேகம் நடைபெற்றது. பின்பு கொடி மரம் தர்ப்பை புல், மலர்கள், பரிவட்டங்களால் அலங்கரிக்கப்பட்டு தீபாராதனை நடந்தது. திருவிழா இன்று தொடங்கி வருகிற 15-ந் தேதி வரை 10 நாட்கள் நடைபெறுகின்றது. 

திருவிழா நடைபெறும் 10 நாட்களிலும் காலை மற்றும் இரவில் அம்மன் வீதி உலா நிகழ்ச்சி நடக்கும். இரவு கோவிலில் பக்திச் சொற்பொழிவு மற்றும் கலைநிகழ்ச்சிகள் நடைபெறும்.  கொடியேற்றம் நிகழ்ச்சியில் கோவில் இணை ஆணையர் கார்த்திக், கோவில் தக்கார் பிரதிநிதி டாக்டர் பாலசுப்பிரமணிய ஆதித்தன், திருப்பணி கட்டளைதாரர் அய்யப்பன் அய்யர் மற்றும் திரளான  பக்தர்கள் கலந்துகொண்டனர். விழா ஏற்பாடுகளை கோவில் தக்கார் கண்ணன் ஆதித்தன், இணை ஆணையர் கார்த்திக் மற்றும் கோவில் பணியாளர்கள் செய்து வருகின்றனர்


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads



Arputham Hospital






Thoothukudi Business Directory