» செய்திகள் - விளையாட்டு » மாவட்ட செய்தி (தூத்துக்குடி)

கார் விபத்தில் 2 பெண்கள் உட்பட 3பேர் காயம் : எஸ்பி மீட்பு பணி; சிகிச்சைக்கு அனுப்பி வைத்தார்!

புதன் 22, ஜூன் 2022 4:43:28 PM (IST)



தூத்துக்குடியில் கார் விபத்தில் 2 பெண்கள் உட்பட 3பேர் காயம் அடைந்தனர். அவர்களை எஸ்பி பாலாஜி  சரவணன் மீட்டு சிகிச்சைக்காக அரசு மருத்துவமனைக்கு அனுப்பி வைத்தார்.

மதுரை பெத்தானியாபுரம் பகுதியைச் சேர்ந்தவர்களான செல்லத்துரை மனைவி தமிழ்தங்கம் (62), அன்பழகன் மனைவி முத்துசெல்வி (49) மற்றும் கார் ஓட்டுநரான மதுரை காளவாசல் ஜாபர் அலி மகன் சுல்தான் (39)ஆகியோர் காரில் மதுரையிலிருந்து தூத்துக்குடி ஸ்பிக் நகரில் உள்ள உறவினர் வீட்டிற்கு வந்து கொண்டிருந்த போது கார் தூத்துக்குடி துறைமுக சாலையில் முன்னால் சென்ற லாரி மீது மோதி விபத்துக்குள்ளானது. இதில் காரில் பயனம் செய்த 3 பேருக்கும் காயம் ஏற்பட்டுள்ளது.

அப்போது அவ்வழியாக வந்த தூத்துக்குடி மாவட்ட காவல் கண்காணிப்பாளர் பாலாஜி சரவணன் விபத்து நடந்த இடத்தில் உடனடியாக மீட்பு பணிகளை மேற்கொண்டார். இதனையடுத்து நெடுஞ்சாலை ரோந்து வாகன போலீசார் மற்றும் தென்பாகம் காவல் நிலைய போலீசர் சம்பவ இடத்திற்கு விரைந்து சென்று விபத்தில் காயமடைந்தவர்களை உடனடியாக மீட்டு 108 ஆம்புலன்ஸ் மூலம் அரசு மருத்துவகல்லூரி மருத்துவமனைக்கு அனுப்பி வைத்தனர். இச்சம்பவம் தொடர்பாக தென்பாகம் காவல் நிலைய போலீசார் வழக்குப்பதிவு செய்து  விசாரணை மேற்கொண்டு வருகின்றனர்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads








Thoothukudi Business Directory