வாலிபர் படுகொலை: தூத்துக்குடியில் பயங்கரம்!

தூத்துக்குடியில் வாலிபர் அடித்துக் கொலை செய்யப்பட்டது தொடர்பாக போலீசார் விசாரணை நடத்தி வருகின்றனர். 

தூத்துக்குடி முத்தையாபுரம் மகாலட்சுமி நகரைச் சேர்ந்தவர் முகம்மது மகன் ரியாஸ் (22). இவர் இன்று காலை தூத்துக்குடி - திருச்செந்தூர் ரோட்டில் தனியார் குடோன் அருகே இரும்பு கம்பியால் தாக்கப்பட்டு ரத்த வெள்ளத்தில் கொலை செய்யப்பட்டு கிடந்தார். இதுகுறித்து தகவல் அறிந்து முத்தையாபுரம் இன்ஸ்பெக்டர்  ஜெயசீலன் மற்றும் போலீசார் சம்பவ இடத்திற்கு சென்று உடலை மீட்டு பரிசோதனைக்காக தூத்துக்குடி அரசு மருத்துவமனைக்கு அனுப்பி வைத்தனர். மேலும் அவரை கொலை செய்தது யார்? காரணம் என்ன? என்பது குறித்து வழக்குப் பதிந்து விசாரணை நடத்தி வருகின்றனர்.