தூத்துக்குடியில் திமுக அரசின் ஓராண்டு சாதனை விளக்கப் பொதுக்கூட்டங்கள் அமைச்சர் கீதாஜீவன் அறிக்கை

தூத்துக்குடி வடக்கு மாவட்டத்தில் திமுக அரசின் "ஒய்வறியா உழைப்பின் ஓராண்டு” சாதனை விளக்கப் பொதுக்கூட்டங்கள் நடைபெறுகிறது.

இது தொடர்பாக திமுக வடக்கு மாவட்ட பொறுப்பாளா் / அமைச்சர் கீதாஜீவன் வெளியிட்டுள்ள அறிக்கை: தி.மு.கழகம் தனது தோ்தல் அறிக்கையில் குறி்ப்பிட்டுள்ள 501-வாக்குறுதிகளில் 250-க்கும் மேற்பட்ட வாக்குறுதிகளை அரசு பொறுப்பேற்று ஓராண்டுக்குள் நிறைவேற்றியுள்ளது. குறிப்பாக தமிழக முதல்வா் மு.க.ஸ்டாலின் இது மக்களுக்கான அரசு என ஒவ்வொரு நாளும் மக்களுக்கான அடிப்படைத் திட்டங்களை செயல்படுத்தி வருகிறார்.

ஓய்வறியா உழைப்பின் ஓராண்டு நிறைவைக் கொண்டாடும் வகையில் சட்டமன்ற தொகுதிகள்தோறும் ஓராண்டு சாதனை விளக்கப் பொதுக்கூட்டங்கள் நடத்திட வேண்டும் என்ற கழகத் தலைவரின் வேண்டுகோளுக்கு இணங்க தூத்துக்குடி வடக்கு மாவட்டத்திற்கு உட்பட்ட தூத்துக்குடி, கோவில்பட்டி, விளாத்திகுளம் ஆகிய 3 சட்டமன்றத் தொகுதிகளிலும் அறிவிக்கப்பட்ட கீழ்க்கண்ட தேதிகளில் பொதுக்கூட்டங்கள் நடைபெற இருக்கிறது. அனைத்து பொதுக்கூட்டங்களிலும் கழக மகளிரணிச் செயலாளரும், தூத்துக்குடி நாடாளுமன்ற உறுப்பினருமான கனிமொழி கருணாநிதி கலந்து கொண்டு சிறப்புரை ஆற்றுகிறார்.

சம்பந்தப்பட்ட மாநகர, நகர, ஒன்றிய, பகுதி, பேரூா்க் கழகச் செயலாளா்கள் மற்றும் கழக நிர்வாகிகள் இணைந்து கழக அரசின் ஓராண்டு சாதனை விளக்கப் பொதுக்கூட்டங்களை சிறப்பாக நடத்திட அன்புடன் கேட்டுக் கொள்கிறேன்.

17.05.2022 செவ்வாய்கிழமை கோவில்பட்டி சட்டமன்ற தொகுதி காந்தி மைதானம் (பேச்சாளர்கள்: பவானி கண்ணன், தமிழ் கொண்டான்)

21.05.2022 சனிக்கிழமை தூத்துக்குடி சட்டமன்ற தொகுதி சிதம்பரநகா் பேரூந்து நிறுத்தம் எதிரில், தூத்துக்குடி (பேச்சாளர்கள்: மன்னை இளங்கோவன், பவித்திரம் கண்ணன், சரத்பாலா)

22.05.2022 ஞாயிற்றுகிழமை விளாத்திகுளம் சட்டமன்ற தொகுதி விளாத்திகுளம், மதுரை மெயின் ரோடு, விளாத்திகுளம் (பேச்சாளர்கள்: ஆரணி மாலா, முகவை இராமா், சரத்பாலா)