» செய்திகள் - விளையாட்டு » மாவட்ட செய்தி (தூத்துக்குடி)

மாணவர் எண்ணிக்கைக்கு ஏற்ப ஆசிரியர் பணியிடம் : ஆரம்ப பள்ளி ஆசிரியர் கூட்டணியினர் ஆர்ப்பாட்டம்!

வெள்ளி 21, ஜனவரி 2022 8:28:28 PM (IST)



மாணவர் எண்ணிக்கை அடிப்படையில் ஆசிரியர் பணியிடம் செய்யப்பட வேண்டும் என்பது உட்பட கோரிக்கைகளை வலியுறுத்தி சாத்தான்குளம் வட்டார கல்வி அலுவலகம் முன்பு தமிழ்நாடு ஆரம்ப பள்ளி ஆசிரியர் கூட்டணியினர் ஆர்ப்பாட்டத்தில் ஈடுப்பட்டனர். 

2019 ஜனவரியில் நடந்த ஜாக்டோ- ஜியோ வேலை நிறுத்த போராட்டத்தின் போது ஒழுங்கு நடவடிக்கையாக பணி மாறுதல் செய்யப்பட்ட ஆசிரியர்களின் மாறுதல் உத்தரவுகளை ரத்து செய்து பொதுமாறுதலுக்கு முன்பு அவர்களின் பள்ளியில் மீண்டும் பணியமர்த்திட வேண்டும். 1.11.21 முதல் ஆரம்ப நடுநிலைப்பள்ளிகள் திறக்கப்பட்டு அதன்பின்பு அப்பள்ளிகளில் மாணவர்கள் சேர்க்கை பெருமளவில் நடந்துள்ளதால் 1.01. 22 மாணவர் எண்ணிக்கை அடிப்படையில் ஆசிரியர் பணியிடம் செய்யப்பட வேண்டும். 

கரோனா தொற்று காலத்தில் நோய் பரவலை தடுக்கும் வகையில் ஆசிரியர்களுக்கு வழங்கப்பட்டு வரும் நேரடி பயிற்சியினை தவிர்த்திட வேண்டும். பழைய ஓய்வூதிய திட்டத்தை மீண்டும் அமல் படுத்திட வேண்டும் என்பன உள்ளிட்ட பொது மாறுதல் தொடர்பாக கோரிக்கைகளை வலியுறுத்தி சாத்தான்குளம் வட்டார கல்வி அலுவலகம் முன்பு வட்டார தமிழ்நாடு ஆரம்ப பள்ளி ஆசிரியர் கூட்டணி சார்பில் கவன ஈர்ப்பு ஆர்ப்பாட்டம் நடைபெற்றது. 

ஆர்ப்பாட்டத்துக்கு வட்டாரத் கலைவர் மாணிக்கராஜ் தலைமை வகித்தார். துணைத் தலைவர்கள் அந்தோணி கிறிஸ்டி, தேவராஜன்,. அந்தோணி வசந்தா, துணை செயலர்கள் பிரின்ஸ் ஜட்சன், ரோசாலி விசாலி, பாலமுருகன், மாவட்ட பொதுக்குழு உறுப்பினர்கள் ஜான் மனோகரன், வர்க்கீஸ்ராஜா ஆகியோர் முன்னிலை வகித்தனர். இதில் மாவட்ட துணைத் தலைவர் ரோஸ்லீன அன்னலீலா, வட்டார செயலர் ஸ்டீபன் தாஸ், மாநில செயற்குழு உறுப்பினர் அண்டனி சார்லஸ், முன்னாள் வட்டாரத் தலைவர் செல்லப்பா, ஒய்வு பிரிவு தலைவர் பவுல்ராஜ், ஒய்வு பிரிவு அமைப்பாளர் சமாதான பீட்டர், ஆகியோர் கோரிக்கையை வலியுறுத்தி பேசினர். இதில் கல்வி மாவட்ட செயலர் ராஜசேகர், மாநில பொதுக்குழு உறுப்பினர் ஜான்சன் மாணிக்கதுரை, உள்ளிட்ட கூட்டணி நிர்வாகிகள் கலந்து கொண்டனர். வட்டார பொருளாளர் விக்டர் மேரி கீதா நன்றி கூறினார். 


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads









Thoothukudi Business Directory