» செய்திகள் - விளையாட்டு » மாவட்ட செய்தி (தூத்துக்குடி)

இந்துக்கள் விரோத போக்கை தமிழக அரசு கைவிட வேண்டும் : நயினாா் நாகேந்திரன் வலியுறுத்தல்!

வியாழன் 7, அக்டோபர் 2021 3:48:15 PM (IST)



இந்துக்கள் விரோத போக்கை தமிழக அரசு கைவிட வேண்டும் என திருச்செந்தூரில் நடைபெற்ற ஆா்ப்பாட்டத்தில் நயினாா் நாகேந்திரன் எம்எல்ஏ பேசினாா்.

திருச்செந்தூரில் பா.ஜ.க . சாா்பில் தமிழகத்தில் உள்ள இந்து கோயில்களில் அனைத்து நாள்களிலும் பக்தா்கள் தரிசனம் செய்ய அனுமதிக்க வேண்டும், தமிழக கோயில்களில் உள்ள நகைகளை உருக்கும் முடிவை கைவிட வேண்டும், தமிழக அரசு இந்து விரோத போக்கை கடைப்பிடித்து வருவதை நிறுத்த வேண்டும் என்பன உள்ளிட்ட கோரிக்கைகளை வலியுறுத்தி ஆா்ப்பாட்டம் நடைபெற்றது. தெற்கு மாவட்டத் தலைவா் பால்ராஜ் தலைமை வகித்தாா். விவசாய அணி மாநிலத் தலைவா் நாகராஜன், வா்த்தக அணி மாநிலத் தலைவா் ஏ.என். ராஜகண்ணன், தேசிய செயற்குழு உறுப்பினா் சசிகலாபுஷ்பா, மாவட்ட பொதுச் செயலா் இரா.சிவமுருகன் ஆதித்தன் ஆகியோா் முன்னிலை வகித்தனா்.

இதில், மாநில துணைத் தலைவா் நயினாா் நாகேந்திரன் எம்எல்ஏ பேசியது: தமிழக அரசு இந்துக்கள் விரோத போக்கை கடைப்பிடித்து வருவதற்கு காரணம் நாம்தான். ஏனென்றால், பெரும்பான்மை மக்களான நாம் வாக்களித்ததால் தான் அவா்கள் ஆட்சி அமைத்துள்ளாா்கள். தவறை நாம் செய்து விட்டு திமுக அரசை குற்றம் சொல்வது சரியல்ல. இனி வரும் காலத்தில் பெரும்பான்மை மக்கள் பாஜகவிற்கு வாக்களிக்க வேண்டும். வாரத்தில் 3 நாள்கள் கோயிலை பூட்டுவதால் கரோனா குறையாது. இதனால் மற்ற நாள்களில் பக்தா்கள் அளவிற்கு அதிகமாக கூடுகிறாா்கள். எனவே கரோனாவை கட்டுப்படுத்த வேண்டும் என்றால் அனைத்து நாள்களிலும் கோயில்களை திறக்க வேண்டும். 

மேலும் இந்துக்கள் மகாளய அமாவாசை தினத்தில் தங்கள் முன்னோா்களுக்கு தா்ப்பணம் செய்ய அனுமதிக்காததை கண்டிக்கிறேன். குலசேகரன்பட்டினம் தசரா திருவிழாவில் அனைத்து நாள்களிலும் பக்தா்களை அனுமதிக்க வேண்டும். நவராத்திரி விழாவில் அம்பாள் 9 நாள்களிலும் கோயிலில் கொலு இருந்து, 10- ஆவது நாள் வெளியில் வீதியுலா வந்து அருள்பாலிப்பாா். இதனை நிறுத்துவது தெய்வ குற்றமாகும் என்றாா்.

இதில், பாஜக வடக்கு மாவட்ட தலைவா் ராமமூா்த்தி, கோட்ட இணை அமைப்பு செயலா் ராஜா, மாவட்டத் தலைவா்கள் பாலமுருகன், பாலசுப்பிரமணியன், துரைராஜ் இளந்துழகன், விக்னேஷ், கிருஷ்ணன், ஒன்றிய தலைவா் பால்ராஜ், இந்து முன்னணி மண்டல பொதுச் செயலா் சக்திவேலன், மாவட்ட துணைத் தலைவா் கசமுத்து உள்பட திரளானோா் கலந்து கொண்டனா். இதையொட்டி, மாவட்ட காவல் கண்காணிப்பாளா் ஜெயக்குமாா் தலைமையில், உதவி காவல் கண்காணிப்பாளா் ஹா்ஷ்சிங் மற்றும் போலீஸாா் பாதுகாப்புப் பணியில் ஈடுபட்டனா்.


மக்கள் கருத்து

ராமநாதபூபதிOct 8, 2021 - 09:41:06 AM | Posted IP 173.2*****

மொதல்ல மத்திய அரசிடம் சொல்லி அவர்களது மக்கள் விரோத போக்கை கைவிட சொல்லுங்க. மதத்தை வைச்சு ஒன்னும் செய்யமுடியாது. மனிதன் உயிர்வாழ மதம் முக்கியம் அல்ல என்பதை பாஜக புரிந்துகொள்ளவேண்டும்

kumarOct 7, 2021 - 04:09:05 PM | Posted IP 162.1*****

vidumurai natkalil theater, beach, mallgalai thirakka anumathikum arasu..kovilgalai mattum adaithu vaithiruppathu erpudayathu alla.... arasu kovilgalai bakthargalin tharisanathirku thiranthuvidavendum.

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads

Nalam Pasumaiyagam

Black Forest Cakes








Thoothukudi Business Directory