» செய்திகள் - விளையாட்டு » மாவட்ட செய்தி (தூத்துக்குடி)
நடத்தையில் சந்தேகப்பட்டு மனைவி மீது தாக்குதல்: வியாபாரிக்கு போலீஸ் வலைவீச்சு!
சனி 31, ஜூலை 2021 10:35:37 AM (IST)
சாத்தான்குளம் அருகே நடத்தையில் சந்தேகப்பட்டு மனைவியை தாக்கிய கணவனை போலீசார் தேடி வருகின்றனர்.
இதுகுறித்து போலீஸ் தரப்பில் கூறப்படுவதாவது: தூத்துக்குடி மாவட்டம், சாத்தான்குளம் அருகேயுள்ள பழனியப்பபுரத்தைச் சேர்ந்தவர் வேதமுத்து மகன் நல்லத்தம்பி (42). இவர் கோவையில் பழைய இரும்பு கடை நடத்தி வருகிறார். இவரது மனைவி ஜான்சிசகிலா (38), மகள் ஆகியோர் பழனியப்பபுரத்தில் இருந்து வருகின்றனராம்.
இந்நிலையில் நல்லத்தம்பி, மனைவி நடத்தையில் சந்தேகம் கொண்டு மனைவி ஜான்சிசகிலாவை தாக்கியதாக கூறப்படுகிறது. இதில் காயமடைந்த ஜான்சி சகிலா சாத்தான்குளம் அரசு மருத்துவமனையில் அனுமதிக்கப்பட்டார். இதுகுறித்து அவர் அளித்த புகாரின் பேரில் சாத்தான்குளம் உதவி ஆய்வாளர் ஜாண்சன் வழக்குபதிந்து கணவர் நல்லத்தம்பியை தேடி வருகிறார்.