» செய்திகள் - விளையாட்டு » மாவட்ட செய்தி (தூத்துக்குடி)
சாத்தான்குளம் அரசு கல்லூரியில் சேர ஆக.10 வரை இணையவழியில் விண்ணப்பிக்கலாம்
வெள்ளி 30, ஜூலை 2021 8:26:48 AM (IST)
சாத்தான்குளம் அரசு கலை மற்றும் அறிவியல் கல்லூரியில் சேர இணையதளம் மூலமாக மாணவிகள் விண்ணப்பிக்கலாம் என கல்லூரி முதல்வா் இரா. சின்னத்தாய் தெரிவித்துள்ளாா்.
இக்கல்லூரியில் சேர விரும்பும் மாணவிகள் விண்ணப்பங்களை இணையதள முகவரியில் ஆக. 10ஆம் தேதி வரை விண்ணப்பிக்கலாம். இணையதளம் வாயிலாக விண்ணப்பிக்க இயலாத மாணவிகள், கல்லூரி உதவி மையங்கள் மூலமாக காலை 10 மணி முதல் மாலை 4 மணி வரை விண்ணப்பிக்கலாம். விண்ணப்பக் கட்டணம் ரூ.48, பதிவுக் கட்டணம் ரூ. 2 என மொத்தம் ரூ. 50 செலுத்த வேண்டும்.
எஸ். சி./எஸ்.டி. பிரிவினருக்கு விண்ணப்பக் கட்டணம் ஏதும் செலுத்த வேண்டியதில்லை. பதிவுக் கட்டணம் ரூ. 2 மட்டும் செலுத்தினால் போதுமானது. கட்டணத்தை இணையதளம் வாயிலாகவோ, உதவி மையங்களில் ஜூலை 26ஆம் தேதி அல்லது அதற்கு பின் பெற்ற வங்கி வரைவோலையாகவோ செலுத்தலாம் என கல்லூரி முதல்வா் வெளியிட்ட செய்திக் குறிப்பில் தெரிவித்துள்ளாா்.