செல்போனை நண்பன் அபகரித்துக் கொண்டதால் வாலிபர் தற்கொலை - தூத்துக்குடியில் பரிதாபம்!

தூத்துக்குடியில் செல்போனை நண்பன் அபகரித்துக் கொண்டு திருப்பித் தர மறுத்ததால் வாலிபர் தூக்கிட்டுத் தற்கொலை செய்து கொண்டார். 

இதுகுறித்து போலீஸ் தரப்பில் கூறப்படுவதாவது : தூத்துக்குடி பொன்னகரைச் சேர்ந்தவர் சந்தனராஜ் மகன் விக்னேஷ் (19), இவரது செல்போனை அவரது நண்பர் ஒருவர் வாங்கிக் கொண்டாராம். பல நாட்களாகியும் அவர் செல்போனை திருப்பி கொடுக்கவில்லையாம். இதனால் மனவேதனையடைந்த விக்னேஷ் நேற்று தனது வீட்டில் தூக்கிட்டு தற்கொலை செய்து கொண்டார். இதுகுறித்து தூத்துக்குடி வடபாகம் போலீஸ் இன்ஸ்பெக்டர் அருள் வழக்குப் பதிந்து விசாரணை நடத்தி வருகிறார்.