வியாபாரியை கழுத்தை அறுத்துகொல்ல முயற்சி : வாலிபர் கைது

தூத்துக்குடியில் வியாபாரியை கழுத்தையறுத்து கொல்ல முயன்றதாக வாலிபரை போலீசார் கைது செய்தனர். அவரது தந்தையை தேடி வருகின்றனர். 

அதை திறந்து விடுவதற்கு நேரமாவதால் காம்பவுண்டு வாசலை பூட்ட வேண்டாம் என ரவி கூறியுள்ளார். இதனால் அவர்களுக்குள் பிரச்சனை இருந்து வந்திருக்கிறது. இதன் காரணமாக நேற்று (18.06.2021) இரவு கருப்பசாமியும், அவரது மகன் மாரியப்பனும் ரவியை கத்தியால் கழுத்தை அறுத்துள்ளனர். இது குறித்து தகவலறிந்த வடபாகம் காவல் நிலைய போலீசார் ரவியை தூத்துக்குடி அரசு மருத்துவமனைக்கு சிகிச்சைக்கு அனுப்பி வைத்தனர். இதுகுறித்து வடபாகம் காவல் நிலைய போலீசார் வழக்குப்பதிவு செய்து விசாரணை மேற்கொண்டு வருகின்றனர். 

மேற்படி கருப்பசாமி மற்றும் அவரது மகன் மாரியப்பனை உடனடியாக கைது செய்யுமாறு மாவட்ட காவல் கண்காணிப்பாளர் எஸ். ஜெயக்குமார் தூத்துக்குடி காவல் துணை கண்காணிப்பாளர் கணேஷ் அவர்களுக்கு உத்தரவிட்டார். அதன் பேரில் தூத்துக்குடி வடபாகம் காவல் ஆய்வாளர் அருள் தலைமையில் தனிப்பிரிவு தலைமைக் காவலர் பூலையா நாகராஜ், முதல் நிலைக் காவலர்கள் மாணிக்கராஜ், மகாலிங்கம் மற்றும் போலீசார் அடங்கிய தனிப்படையினர் இன்று காலை தூத்துக்குடி வட்டக்கோவில் சந்திப்பில் சம்மந்தப்பட்ட எதிரியான கருப்பசாமி மகன் மாரியப்பன் (24) என்பவரை கைது செய்துள்ளனர். தலைமறைவாக உள்ள கருப்பசாமியை போலீசார் தேடி வருகின்றனர்.