தூத்துக்குடியில் கல்லூரி மாணவி உட்பட 2 பெண்கள் மாயம்

தூத்துக்குடியில் கல்லூரி மாணவி உட்பட 2 இளம்பெண்கள் காணாமல் போனது குறித்து போலீசார் விசாரணை நடத்தி வருகின்றனர். 

தூத்துக்குடி மகிழ்ச்சிபுரத்தைச் சேர்ந்தவர் மாரியப்பன் மனைவி முனீஸ்வரி (22), இவரை கடந்த 7ம் தேதி முதல் காணவில்லை. அவரது குடும்பத்தினர், பல்வேறு இடங்களில் தேடிப்பார்த்தும் அவரைப் பற்றிய தகவல் தெரியவில்லை. இதுகுறித்து அவரது கணவர் மாரியப்பன் தூத்துக்குடி சிப்காட் காவல் நிலையத்தில் புகார் அளித்துள்ளார். 

இதுபோல் தூத்துக்குடி மடத்தூர் அம்மன் கோவில் தெருவைச் சேர்ந்தவர் பொன்பாண்டி இவரது மகள் மகேஸ்வரி (17), கல்லூரி முதலாம் ஆண்டு படித்து வருகிறார். கடந்த 10ம் தேதி தூத்துக்குடியில் கடைவீதிக்குச் செல்வதாக கூறிச் சென்றுள்ளார். அதன் பின்னர் திரும்பி வரவில்லை. இதுகுறித்து அவரது தந்தை சிப்காட் காவல் விலையத்தில் புகார் அளித்துள்ளார். மேற்கண்ட இரு புகார்கள் குறித்தும் இன்ஸ்பெக்டர் வேல்முருகன் வழக்குப் பதிந்து விசாரணை நடத்தி வருகிறார்.