புதுமைப்பெண் திட்டம் துவக்க விழா: டெல்லி முதல்வர் கெஜ்ரிவாலுக்கு தமிழக அரசு அழைப்பு

ஆசிரியர் தினமான செப்டம்பர் 5-ஆம் தேதி மூன்று புதிய திட்டங்கள் தொடங்கப்பட உள்ளது. அதன்படி 15 மாதிரி பள்ளிகள், 26 சீர்மிகு பள்ளிகள், கல்லூரி மாணவியருக்கு மாதம் ரூ.1,000 வழங்கும் திட்டம் ஆகிய திட்டங்களின் தொடக்க விழா நடைபெற உள்ளது. இந்த விழாவில் டெல்லி முதல்-அமைச்சர் அரவிந்த் கெஜ்ரிவால் கலந்து கொள்ள உள்ளார்.  சென்னை பாரதி மகளிர் கலை, அறிவியல் கல்லூரியில் நடைபெறும் நிகழ்ச்சியில் முதல் அமைச்சர் மு.க. ஸ்டாலின், அமைச்சர்கள் பங்கேற்கின்றனர். 

மேலும், விழாவில் சிறந்து விருந்தினராக பங்கேற்கவுள்ள கெஜ்ரிவால் 15 மாதிரி பள்ளிகள், 28 சீர்மிகு பள்ளிகளை தொடங்கி வைக்கிறார். இந்நிலையில், விழாவில் பங்கேற்க கெஜ்ரிவாலுக்கு அமைச்சர் அன்பில் மகேஷ் நேரில் சந்தித்து அழைப்பு விடுத்து உள்ளார். இதுகுறித்து, அரவிந்த் கெஜ்ரிவால் தனது டுவிட்டர் பக்கத்தில், 'தமிழகத்திற்க்கு வர அழைப்பு விடுத்த முதல்-அமைச்சர் மு.க.ஸ்டாலினுக்கு நன்றி. கல்விப் புரட்சியை நோக்கிய பயணத்தில் தமிழக மக்களுடன் இணைந்து கொள்வதில் நான் மகிழ்ச்சியடைகிறேன். கல்வி புரட்சி பயணத்தில் தமிழக மக்களுடன் இணைவதில் மகிழ்ச்சி என பதிவிட்டுள்ளார்.