» செய்திகள் - விளையாட்டு » இந்தியா

திருவனந்தபுரத்தில் மாா்க்சிஸ்ட் அலுவலகம் மீது தாக்குதல்: முதல்வா் கண்டனம்

ஞாயிறு 28, ஆகஸ்ட் 2022 12:51:20 PM (IST)



திருவனந்தபுரத்தில் மாா்க்சிஸ்ட் கம்யூனிஸ்ட் மாவட்ட அலுவலகம் மீது  தாக்குதல் நடத்தப்பட்டதற்கு முதல்வா் பினராயி விஜயன் கண்டனம் தெரிவித்துள்ளார். 

கேரளத் தலைநகா் திருவனந்தபுரத்தில் உள்ள மாா்க்சிஸ்ட் மாவட்ட கமிட்டி அலுவலகத்தில் நேற்று முன்தினம் அதிகாலை 2 மணியளவில் இத்தாக்குதல் நடத்தப்பட்டுள்ளது. மோட்டாா் சைக்கிளில் வந்த மா்மநபா்கள் நடத்திய கல்வீச்சில், அலுவலகத்தில் நிறுத்தப்பட்டிருந்த வாகனங்களின் கண்ணாடிகள் சேதமடைந்துள்ளது. இத்தாக்குதலில் ஈடுபட்டவா்களை கைது செய்ய சிசிடிவி கேமரா காட்சிகள் மூலம் காவல்துறையினா் விசாரணை நடத்தி வருகின்றனர். 

தாக்குதல் நடத்தப்பட்ட அலுவலகத்தை நேரில் பாா்வையிட்ட முதல்வா் பினராயி விஜயன், ‘மாா்க்சிஸ்ட் அலுவலகங்கள் மற்றும் தொண்டா்களுக்கு எதிரான தாக்குதலில் ஈடுபடுவோரை மக்கள் மத்தியில் அம்பலப்படுத்த வேண்டும். இச்சம்பவத்தில் தொடா்புடையவா்களை விரைந்து கைது செய்ய காவல்துறைக்கு அறிவுறுத்தப்பட்டுள்ளது. மாநிலத்தில் அமைதியான சூழலை கெடுக்க முயற்சி நடைபெறுகிறது. அதற்கு இரையாகிவிடாமல், அமைதியை பராமரிக்க வேண்டும்’ என்றாா்.

ஆா்எஸ்எஸ் மீது குற்றச்சாட்டு: 

ஆளும் இடதுசாரி ஜனநாயக கூட்டணி ஒருங்கிணைப்பாளா் இ.பி.ஜெயராஜன் கூறுகையில், ‘சமூகத்தில் அமைதியையும் நல்லிணக்கத்தையும் சீா்குலைக்கும் செயல்களில் ஆா்எஸ்எஸ் ஈடுபட்டுள்ளது. மாா்க்சிஸ்ட் அலுவலகம் மீதான தாக்குதலின் பின்னணியில் அவா்கள்தான் உள்ளனா். கட்சியின் மாவட்ட செயலாளா் காா் மீது கற்களை வீசியுள்ளனா். அலுவலக நிா்வாகிகளையும் தாக்கும் திட்டத்துடன் அவா்கள் வந்திருக்கலாம்’ என்றாா்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

ஹோலி பண்டிகை: பிரதமர் மோடி வாழ்த்து

திங்கள் 25, மார்ச் 2024 11:14:52 AM (IST)

Sponsored Ads

Arputham Hospital










Thoothukudi Business Directory