» செய்திகள் - விளையாட்டு » அரசியல்

எதிர்க்கட்சிகள் சேர்ந்து எதிர்ப்பதால் பாஜகதான் பலசாலி : நடிகர் ரஜினிகாந்த் கருத்து

செவ்வாய் 13, நவம்பர் 2018 12:05:22 PM (IST)

ராஜீவ் காந்தி கொலை வழக்கில் தண்டனை பெற்றுள்ள 7 பேரைப் பற்றித் தெரியாத அளவுக்கு நான் முட்டாள் அல்ல என்று நடிகர் ரஜினிகாந்த் கூறியுள்ளார்.

சென்னை போயஸ் இல்லத்தில் இன்று நடிகர் ரஜினிகாந்த் செய்தியாளர்களை சந்தித்தார். அப்போது, சென்னை விமான நிலையத்தில் நேற்று 7 பேர் விடுதலை குறித்து செய்தியாளர்கள் எழுப்பிய கேள்விக்கு தெரியாது என்று பதிலளித்தது குறித்து விளக்கம் அளித்தார். அது பற்றி அவர் கூறியதாவது, 7 பேர் விவகாரம் பற்றி எனக்குத் தெரியவில்லை என்ற மாயை ஏற்படுத்தப்பட்டு விட்டது. 

ராஜீவ் காந்தி கொலை வழக்கில் சிறையில் இருக்கும் 7 தமிழர்கள் என்று கேட்டிருக்க வேண்டும் என்று பதிலளித்தார். கேள்வியை சரியாக கேட்கவில்லை. ராஜீவ் கொலை வழக்கில் சிறைத் தண்டனை பெற்று சிறையில் அடைக்கப்பட்டிருக்கும் 7 பேரைப் பற்றித் தெரியாத அளவுக்கு நான் முட்டாள் அல்ல. மனிதாபிமான அடிப்படையில் சிறையில் உள்ள 7 பேரையும் விடுதலை செய்ய வேண்டும் என்பது எனது கருத்து. பேரறிவாளன் பரோலில் வந்த போது கூட அவரிடம் தொலைபேசியில் பேசியிருந்தேன். எனக்குத் தெரியும் என்றால் தெரியும் என்று சொல்வேன், தெரியாது என்றால் தெரியாது என்று சொல்வேன் என்று விளக்கம் அளித்தார்.

மேலும், பாஜக ஆபத்தான கட்சியா என்ற கேள்விக்கு, எதிர்க்கட்சிகள் பாஜகவை ஆபத்தான கட்சி என்று நினைக்கிறார்கள், அதனால் எதிர்க்கட்சிகளுக்கு பாஜக ஆபத்தான கட்சிதான் என்று பதிலளித்தார். இதனை விளக்குமாறு செய்தியாளர்கள் கேட்ட போது, 10 பேர் சேர்ந்து ஒருவரை எதிர்க்கிறார்கள் என்றால் யார் பலசாலி என்று நீங்களே முடிவு செய்து கொள்ளுங்கள் என்று கூறினார். முன்னாள் முதல்வர் ஜெயலலிதா இல்லாததால் நடிகர்களுக்கு பயமில்லாமல் போய்விட்டது என்று தமிழக அமைச்சர் கூறியது குறித்து செய்தியாளர்கள் கேட்டதற்கு, அவர் அப்படி சொல்வது பதவிக்கு அழகல்ல. அவர் போலவே நானும் பேசினால் சரியாக இருக்காது. அவரது பதவிக்குரிய மரியாதையைக் கொடுக்க விரும்புகிறேன் என்று பதிலளித்தார்.


மக்கள் கருத்து

samiNov 15, 2018 - 06:25:35 PM | Posted IP 172.6*****

காங்கிரஸ் என்கிற புற்று நோய்தான் ஒழிந்துவிட்டதே

கேட்ச்Nov 15, 2018 - 04:52:48 PM | Posted IP 162.1*****

புற்று நோய் கு மருந்து கொடுப்பது போன்றது இது. அதான் எல்லாரும் சேர்ந்து எதிர்கிறார்கள்

அருண்Nov 13, 2018 - 03:59:34 PM | Posted IP 172.6*****

சொம்மா எதுக்குனாலும் ரஜினியை விமர்சனம் பண்ணாதீங்க டே.

அருண்Nov 13, 2018 - 03:59:33 PM | Posted IP 162.1*****

சொம்மா எதுக்குனாலும் ரஜினியை விமர்சனம் பண்ணாதீங்க டே.

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads

Friends Track CALL TAXI & CAB (P) LTD


Joseph Marketing


New Shape Tailors



crescentopticals




Thoothukudi Business Directory