» செய்திகள் - விளையாட்டு » அரசியல்

அதிமுகவை வழிநடத்த சசிகலாவால்தான் முடியும்; விரைவில் மீண்டு வருவார்: நாஞ்சில் சம்பத் பேச்சு

செவ்வாய் 2, மே 2017 10:52:39 AM (IST)

அதிமுகவை வழிநடத்த சசிகலாவால்தான் முடியும். அவர் விரைவில் மீண்டு வருவார் என அதிமுக அம்மா அணியின் தலைமை கழக பேச்சாளர் நாஞ்சில் சம்பத் கூறியுள்ளார்.

அதிமுக அம்மா அணி சார்பில் சேலம் மாவட்டம் ஆத்தூர் ராணிப்பேட்டையில் நடந்த மே தின விழா பொதுக்கூட்டத்தில் நாஞ்சில் சம்பத் பேசியதாவது: டீக்கடை வைத்திருந்த பன்னீர்செல்வத்தை முதல்வராக ஜெயலலிதா அறிவித்தார். அவரால் இந்த தமிழகம் படாத பாடுபடுகிறது. மேலும் அதிமுகவின் இரு அணிகளும் 100 சதவீதம் சேர வாய்ப்பில்லை.

பதவியில் இருக்குமேபோது ஜெயலலிதாவின் மரணம் குறித்து சந்தேகமும் எழுப்பாத பன்னீர்செல்வம், பதவிபோனதும் சிபிஐ விசாரணை வேண்டும் என்கிறார். முதல்வர் ஜெயலலிதாவை காக்க வேண்டும் என்ற ஒரே காரணத்திற்காக தனது வாழ்க்கையை அர்ப்பணித்தவர் சசிகலா. சந்தர்ப்ப சூழ்நிலை காரணமாக அவர் தற்போது சிறையில் உள்ளார். அதிமுகவை வழிநடத்த சசிகலாவால்தான் முடியும். அவர் விரைவில் மீண்டு வருவார். எதற்காக பன்னீர்செல்வத்திற்கு ‘ஒய்’ பாதுகாப்பை மத்திய அரசு கொடுத்துள்ளது என்று தெரியவில்லை. 

பன்னீரும் ஸ்டாலினும் சேர்ந்து அதிமுகவை திட்டமிட்டு அழிக்க நினைக்கின்றனர். மேலும், ஆர்.கே. நகர் இடைத்தேர்தலில் 1 லட்சம் வாக்குகள் வித்தியாசத்தில் தினகரன் வெற்றி பெறுவதாக உளவுத்துறை கூறியதால் தேர்தலை ரத்து செய்துவிட்டனர். பன்னீர்செல்வத்துக்கு ஆதரவு தெரிவித்த 10 எம்.எல்.ஏ.க்களும் விரைவில் முதல்வர் பழனிசாமிக்கு ஆதரவு கொடுக்க உள்ளனர். பன்னீர்செல்வம் அணி விரைவில் காணாமல் போய்விடும். கட்சி தலைவிதியை நாங்களே தீர்மானிப்போம். அதிமுக பயணம் தொடரும், யாரும் தடுத்து நிறுத்த முடியாது என்று கூறினார்.


மக்கள் கருத்து

nadraranமே 8, 2017 - 05:30:11 PM | Posted IP 103.2*****

உண்மைதான்

பாட்டுமே 6, 2017 - 12:20:11 PM | Posted IP 117.2*****

இந்த ஆளுக்கு இந்த போட்டோவை முதலில் மாற்றுங்கள். காதை பொத்திக்கொண்டு பாடுவது போல் உள்ளது.

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Annai Jewellers

Sponsored Ads


Sterlite Industries (I) Ltd


Nalam Pasumaiyagam

Universal Tiles Bazar


Johnson's Engineers

selvam aqua


New Shape Tailors

CSC Computer Education



Thoothukudi Business Directory