» செய்திகள் - விளையாட்டு » விளையாட்டு

இந்தியாவில் 2023-ல் உலகக் கோப்பை ஹாக்கி தொடர்: சர்வதேச ஹாக்கி சம்மேளனம் அறிவிப்பு

சனி 9, நவம்பர் 2019 5:01:57 PM (IST)

2023-ம் ஆண்டு ஆடவர் உலகக் கோப்பை ஹாக்கி தொடர் இந்தியாவில் நடத்தப்படும் என சர்வதேச ஹாக்கி சம்மேளனம் அறிவித்துள்ளது.

சர்வதேச ஹாக்கி சம்மேளனத்தின் நிர்வாக்குழு கூட்டம் சுவிட்சர்லாந்தில் உள்ள லாசான் நகரில் நேற்று நடைபெற்றது. இந்த கூட்டத்தின் முடிவில் இந்த அறிவிப்பு வெளியிடப்பட்டுள்ளது. இதன் படி வரும் 2023-ம் ஆண்டு ஜனவரி 13-ம் தேதி முதல் 29-ம் தேதி வரை ஆடவர் உலகக் கோப்பை ஹாக்கி தொடர் இந்தியாவில் நடத்தப்பட உள்ளது.

அதேவேளையில் மகளிருக்கான உலகக் கோப்பை தொடரை 2022-ம் ஆண்டு ஸ்பெயின் மற்றும் நெதர்லாந்து நாடுகள் இணைந்து நடத்த உள்ளன. இந்தத் தொடர் ஜூலை 1 முதல் 22-ம் தேதி வரை நடைபெறும் என தெரிவிக்கப்பட்டுள்ளது. ஆடவர் மற்றும் மகளிர் உலகக் கோப்பை தொடரின் ஆட்டங்கள் நடைபெறும் நகரங்களை தொடரை நடத்தும் நாடுகள் பின்னர் அறிவிக்கும் எனவும் சர்வதேச ஹாக்கி சம்மேளனம் தெரிவித்துள்ளது.

உலகக் கோப்பை ஹாக்கி தொடரை இந்தியா நடத்த உள்ளது இது 4-வது முறையாகும். இதன் மூலம் அதிக முறை உலகக் கோப்பை தொடரை நடத்திய நாடு என்ற பெருமையை இந்தியா பெற உள்ளது. இந்த வகையில் அதிகபட்சமாக நெதர்லாந்து 3 முறை உலகக் கோப்பை தொடரை நடத்தியுள்ளது. இதற்கு முன்னர் இந்தியாவில் 1982-ம் ஆண்டு மும்பையிலும், 2010-ம் ஆண்டு டெல்லியிலும், 2018-ம் ஆண்டு புவனேஷ்வரிலும் உலகக் கோப்பை ஹாக்கி தொடர் வெற்றிகரமாக நடத்தி முடிக்கப்பட்டிருந்தது.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

தமிழ் நடிகையை மணந்தார் மணிஷ் பாண்டே!!

செவ்வாய் 3, டிசம்பர் 2019 5:47:40 PM (IST)

Sponsored Ads

Nalam Pasumaiyagam


CSC Computer Education

Black Forest Cakes



Anbu Communications



Thoothukudi Business Directory