முதலமைச்சரின் விரிவான மருத்துவ காப்பீடு திட்டம்: பயனாளிகளுக்கு அட்டை வழங்கல்!

முதலமைச்சரின் விரிவான மருத்துவ காப்பீடு திட்டத்திற்கான காப்பீடு அட்டையினை பயனாளிகளுக்கு மாவட்ட ஆட்சியர் பி.என்.ஸ்ரீதர், வழங்கினார்.

கன்னியாகுமரி மாவட்ட மருத்துவம் மற்றும் மக்கள் நல்வாழ்வு துறை சார்பாக முதலமைச்சரின் விரிவான மருத்துவகாப்பீட்டு திட்டம் மற்றும் பிரதமந்திரியின் மக்கள் ஆரோக்கிய திட்டம் 5-ஆம் ஆண்டு நிகழ்ச்சி மாவட்ட ஆட்சியர் பி.என்.ஸ்ரீதர், தலைமையில் மாவட்ட ஆட்சியர் அலுவலக சிறு கூட்டரங்கில் இன்று (25.09.2023) நடைபெற்றது.

இந்நிகழ்ச்சியில் 10 மருத்துவகாப்பீடு பயனாளிகளுக்கு காப்பீடு அட்டைகளும், 5 மருத்துவகாப்பீடு பயனாளிகளுக்கு பரிசு பொருட்களையும், காப்பீடு திட்டத்தில் சிறப்பாக பணியாற்றிய காப்பீடு திட்டம் தொடர்பு அலுவலர்கள் 5 நபர்களுக்கும், கன்னியாகுமரி அரசு மருத்துவமனை மற்றும் மருத்துவ கல்லூரி வார்டு மேலாளர் 5 நபர்களும், அரசு மாவட்ட தலைமை மருத்துவமனை, ஸ்ரீ மூகாம்பிகை மருத்துவ கல்லூரி மருத்துவமனை, C.S.I மிஷன் மருத்துவமனைகளுக்கும் பாரட்டு சான்றிதழ்களையும் மாவட்ட ஆட்சியர் பி.என்.ஸ்ரீதர், வழங்கினார்கள்.

மேலும் ஓவியபோட்டியில் வெற்றிப்பெற்ற டதி மகளிர் மேல்நிலைப்பள்ளி மாணவ- மாணவிகளுக்கு கேடயம் மற்றும் சான்றிதழ்களையும் மாவட்ட ஆட்சிதலைவர் பி.என்.ஸ்ரீதர், வழங்கினார்கள்.