» செய்திகள் - விளையாட்டு » தமிழகம்
அனுமதியின்றி யானைகள் பயன்படுத்திய விவகாரம் : வாரிசு படக் குழுவினருக்கு நோட்டீஸ்!
வியாழன் 24, நவம்பர் 2022 3:37:01 PM (IST)
அனுமதியின்றி யானைகளை பயன்படுத்தியதாக வாரிசு திரைப்பட குழுவினருக்கு விலங்குகள் நல வாரியம் நோட்டீஸ் அனுப்பியுள்ளது.
பிரபல தெலுங்கு இயக்குநர் வம்சி இயக்கத்தில் 'வாரிசு' என்கிற படத்தில் நடித்து வருகிறார் விஜய். ராஷ்மிகா மந்தனா கதாநாயகியாக நடிக்கிறார். இப்படத்துக்கு இசை - தமன். தமிழில் படமாக்கப்பட்டு தெலுங்கில் டப் செய்யப்பட உள்ள இந்த படம் 2023 பொங்கல் தினத்தன்று ரிலீஸ் ஆகவுள்ளது. இந்நிலையில் 'வாரிசு' படப்பிடிப்பில் முன் அனுமதி பெறாமல் 5 யானைகள் பயன்படுத்தப்பட்டுள்ளன. இதற்கு படக்குழுவினர் 7 நாள்களில் விளக்கமளிக்க வேண்டும் என விலங்குகள் நல வாரியம் நோட்டீஸ் அனுப்பியுள்ளது.