» செய்திகள் - விளையாட்டு » தமிழகம்
பாலருவி சிறப்பு ரயில் திருச்சூர் - பாலக்காடு இடையே பகுதியாக ரத்து: தெற்கு ரயில்வே தகவல்
திங்கள் 25, அக்டோபர் 2021 7:51:52 PM (IST)
பாலருவி சிறப்பு ரயில் திருச்சூர் - பாலக்காடு ரயில் நிலையங்கள் இடையே பகுதியாக ரத்து செய்யப்பட்டுள்ளது.
இது தொடர்பாக தெற்கு ரயில்வே வெளியிட்ட செய்திக்குறிப்பில், கேரளா மாநிலம் வல்லத்தோள் நகர் - வடக்கன்சேரி ரயில் நிலையங்கள் இடையே ரயில் பாதை பராமரிப்பு பணிகள் நடைபெறுவதால் புதன்கிழமை (27.10.2021) அன்று திருநெல்வேலியில் இருந்து புறப்படும் வண்டி எண் 06791 திருநெல்வேலி - பாலக்காடு பாலருவி சிறப்பு ரயில் மற்றும் வியாழக்கிழமை (28.10.2021) பாலக்காட்டில் இருந்து புறப்படும் வண்டி எண் 06792 பாலக்காடு - திருநெல்வேலி பாலருவி சிறப்பு ரயில் ஆகியவை திருச்சூர் - பாலக்காடு ரயில் நிலையங்கள் இடையே பகுதியாக ரத்து செய்யப்படுகிறது.