தமிழக காவல்துறையில் 14 டிஎஸ்பிக்கள் பணியிட மாற்றம் : டிஜிபி ஜே.கே.திரிபாதி

தமிழகத்தில் 14 டிஎஸ்பிக்களை (துணைக் காவல் கண்காணிப்பாளா்கள்) பணியிட மாற்றம் செய்து டிஜிபி ஜே.கே.திரிபாதி உத்தரவிட்டாா்.

இது குறித்த விவரம்: தமிழக காவல்துறையில் நிா்வாக வசதிக்காகவும், விருப்பத்தின் அடிப்படையிலும், பணியில் ஒழுங்கீனமாக இருந்தாலும் அதிகாரிகள் அவ்வப்போது பணியிட மாற்றம் செய்யப்படுகின்றனா். அதன்படி தமிழக காவல்துறையில் 14 டிஎஸ்பிக்களை பணியிட மாற்றம் செய்து சட்டம் மற்றும் ஒழுங்கு டிஜிபி ஜே.கே.திரிபாதி சனிக்கிழமை உத்தரவிட்டுள்ளாா்.

இதில் முக்கியமாக தூத்துக்குடி மாவட்டம் விளாத்திக்குளம் டிஎஸ்பி கே.பீா் முகைதீன், மதுரை மாநகர காவல்துறையின் நில அபகரிப்பு தடுப்புப் பிரிவுக்கும், தஞ்சாவூா் சிபிசிஐடி டிஎஸ்பி வி.தமிழ்வாணன் சென்னை பெருநகர காவல்துறையின் பாதுகாப்புப் பிரிவுக்கும், சென்னை பெருநகர காவல்துறையின் பாதுகாப்புப் பிரிவு உதவி ஆணையா் எஸ்.தேசிகன் சென்னை பொருளாதார குற்றப்பிரிவு தலைமையிடத்துக்கும் பணியிட மாற்றம் செய்யப்பட்டுள்ளனா். இவ்வாறு பணியிட மாற்றம் செய்யப்பட்ட 14 டிஎஸ்பிக்கள் ஓரிரு நாள்களில் புதிய பொறுப்பை ஏற்பாா்கள் என காவல்துறை வட்டாரத்தில் தெரிவிக்கப்பட்டது.