தேர்தலில் ஆட்சியை பிடிக்க தந்திரம் செய்யும் திமுக : பொன்.ராதாகிருஷ்ணன் குற்றச்சாட்டு

தமிழகத்தில் கடந்த 1967 ல் திமுக ஆட்சியை பிடிக்க எப்படி மத மோதலை உருவக்கினார்களோ அதே போன்று வரும் தேர்தலில் ஆட்சியை பிடிக்க மீண்டும் திமுக அதே தந்திரத்தை செய்து வருவதாக நாகர்கோவிலில் முன்னாள் மத்திய அமைச்சர் பொன். ராதாகிருஷ்ணன்  கூறினார்.

யு.டியூப் சேனலில் கடவுள் முருகனின் கந்த சஷ்டி கவசம் குறித்து அவதூறு கருத்துகளை வெளியிட்டு வருவோர் மீது நடவடிக்கை எடுக்க தமிழக அரசை வலியுறுத்தி பாஜக சார்பில் நாகர்கோவில் மீனாட்சிபுரம் அரசு விரைவு பேருந்து நிலையம் முன்பு ஆர்பாட்டம் நடைபெற்றது. இதில் கலந்து கொண்ட முன்னாள் மத்திய இனை அமைச்சர் பொன். ராதாகிருஷ்ணன் செய்தியாளர்களிடம் கூறுகையில், திமுக எப்போது எல்லாம் பலவீனபடுகிறதோ ? அப்போது எல்லாம் இந்து மத கடவுள்களை கொச்சை படுத்தி பேசி மக்கள் வாக்குகளை பெற நினைப்பது வழக்கம்.

அந்தவகையில் தமிழகத்தில் 1967 ம் ஆண்டு திமுக ஆட்சியை பிடிக்க எப்படி மத மோதலை உருவக்கினார்களோ அதே போன்று வரும் தேர்தலில் ஆட்சியை பிடிக்க மீண்டும் திமுக அதே தந்திரத்தை செய்து வருகின்றனர். இவ்வாறு பொன். ராதாகிருஷ்ணன் கூறினார்