» செய்திகள் - விளையாட்டு » தமிழகம்

வேலூர் மக்களவை தேர்தல் : அதிமுக கூட்டணி சார்பில் ஏ.சி.சண்முகம் வேடபு மனுத்தாக்கல்

வெள்ளி 12, ஜூலை 2019 5:28:54 PM (IST)

வேலூர் மக்களவை தொகுதியில் அதிமுக கட்டணி சார்பில் போட்டியிடும் புதிய நீதிக்கட்சியின் நிறுவன தலைவர் ஏ.சி.சண்முகம் இன்று மனு தாக்கல் செய்தார்.  

நாடாளுமன்ற தேர்தலின்போது வேலூர் மக்களவை தொகுதியில் அதிகளவு பணம் சிக்கியது. இதையடுத்து இத்தொகுதிக்கான தேர்தலை தேர்தல் ஆணையம் ரத்து செய்தது. இதையடுத்து நிறுத்தி வைக்கப்பட்ட வேலூர் மக்களவை தொகுதி தேர்தல் வரும் ஆகஸ்ட் 5ம்தேதி நடத்தப்படும் என்று தேர்தல் ஆணையம் தெரிவித்தது. இந்நிலையில் வேட்பாளர்கள் வேட்பு மனுத்தாக்கல் இன்று தொடங்கியது. மனுத்தாக்கல் செய்ய வரும் 18ம்தேதி கடைசி நாளாகும். 19ம்தேதி மனுக்கள் பரிசீலனை செய்யப்படுகிறது. 22ம்தேதி வரை மனுக்கள் வாபஸ் பெறலாம். இதையடுத்து அன்று மாலையே இறுதி வேட்பாளர் பட்டியல் வெளியிடப்படுகிறது.

முதல் நாளான இன்று அதிமுக கட்டணி சார்பில் புதிய நீதிக்கட்சியின் நிறுவன தலைவர் ஏ.சி.சண்முகம் வேலூர் ஆட்சியர்  அலுவலகத்தில் மாவட்ட தேர்தல் நடத்தும் அலுவலரும், ஆட்சியருமான சண்முகசுந்தரிடம் மனு தாக்கல் செய்தார். அப்போது அமைச்சர்கள் கே.சி.வீரமணி, தங்கமணி, சேவூர் ராமச்சந்திரன், நிலோபர் கபீல் ஆகியோர் உடனிருந்தனர். திமுக சார்பில் போட்டியிடும் கதிர்ஆனந்த் நாளை மனுத்தாக்கல் செய்ய உள்ளதாக தெரிவிக்கப்பட்டுள்ளது. தினமும் காலை 11 மணி முதல் மாலை 3 மணி வரை மனுத்தாக்கல் செய்ய நேரம் ஒதுக்கீடு செய்யப்பட்டுள்ளது.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads

Black Forest Cakes

Nalam Pasumaiyagam



CSC Computer Education

Anbu Communications




Thoothukudi Business Directory