» செய்திகள் - விளையாட்டு » தமிழகம்

மதுரையில் தேர்தல் தேதியை மாற்ற முடியாது: தேர்தல் ஆணையத்தின் முடிவால் நீதிமன்றம் அதிருப்தி

வியாழன் 14, மார்ச் 2019 4:26:53 PM (IST)

மதுரையில் மக்களவை தேர்தல் தேதியை மாற்ற முடியாது என தேர்தல் ஆணையம் தெரிவித்துள்ளது.

தமிழகத்தில் வருகிற ஏப்ரல் மாதம் 18-ஆம் தேதி நாடாளுமன்ற தேர்தல் வாக்குப்பதிவு நடைபெறும் என்று தேர்தல் ஆணையம் அறிவித்துள்ளது. ஆனால் அந்த சமயத்தில் மதுரையில் பிரசித்தி பெற்ற சித்திரை திருவிழா நடக்கிறது. ஏப்ரல் 18-ஆம் தேதி மீனாட்சி-சுந்தரேசுவரர் தேரோட்டமும், மறுநாள் கள்ளழகர் வைகை ஆற்றில் எழுந்தருளும் நிகழ்ச்சியும் நடக்கின்றன. அந்த சமயத்தில் நாடாளுமன்ற தேர்தல் வாக்குப்பதிவு நடத்தப்பட்டால், பொதுமக்கள் ஓட்டு போடுவதற்கு வருவது, போலீஸ் பாதுகாப்பு உள்ளிட்ட பல்வேறு நடைமுறை சிக்கல்கள் உருவாகும். 

எனவே மதுரை நாடாளுமன்ற தொகுதி தேர்தலை தள்ளி வைக்க தேர்தல் ஆணையத்துக்கு உத்தரவிட வேண்டும் என உயர்நீதிமன்ற மதுரை கிளையில் வழக்கு தொடரப்பட்டது. இதுதொடர்பாக விசாரணையை மேற்கொண்ட உயர்நீதிமன்றம், தமிழக தலைமை தேர்தல் அதிகாரியும், இந்திய தேர்தல் கமிஷனும் கவனத்தில் கொள்ளவில்லை. தேனி, திருவண்ணாமலை ஆகிய பகுதிகளிலும் இதுபோன்ற உள்ளூர் திருவிழாக்கள் அதே சமயத்தில் நடக்க இருப்பதால், அவற்றையும் தேர்தல் கமிஷன் கவனத்தில் கொள்ள வேண்டும். எனவே தேர்தல் தேதியை மாற்றி அறிவிப்பது குறித்து 14-ஆம் தேதி இந்திய தேர்தல் கமிஷன், தமிழக தலைமை தேர்தல் அதிகாரி பதிலளிக்க வேண்டும்” என்று உத்தரவிட்டனர். 

இன்று பதிலளித்த தேர்தல் ஆணையம் மதுரையில் மக்களவை தேர்தல் தேதியை மாற்ற முடியாது என கூறியுள்ளது. தேர்தல் வாக்குப்பதிவு நேரத்தை மாலை இரண்டு மணிநேரம் அதிகரிக்கலாம் என கூறியுள்ளது. தேர்தல் ஆணையத்தின் பதிலில் அதிருப்தி அடைந்த நீதிமன்றம், கடமைக்காக தேர்தலை நடத்தாதீர்கள், களநிலவரம் அறியாமல் இதுபோன்ற முடிவுகளை அதிகாரிகள் எடுக்கிறார்கள். விழாவை கருத்தில் கொள்ளாமல் காலை 6 மணி முதல் தேர்தலை நடத்த திட்டமிட்டது எப்படி? எனவும் கேள்வியை எழுப்பியது. இவ்விவகாரத்தில் பதில் அளிக்காத தமிழக தேர்தல் அதிகாரி அறிக்கை தாக்கல் செய்யாததில் கடிந்து கொண்ட நீதிமன்றம், நாளை நேரில் ஆஜராக உத்தரவிடப்படும் என எச்சரிக்கை விடுத்துள்ளது. 


மக்கள் கருத்து

rajeMar 14, 2019 - 07:52:12 PM | Posted IP 172.6*****

தமிழ்நாடு பிறந்த அனைவரும் சிந்தித்து வாக்குகளை பதிவிடுங்கள்

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads


Black Forest Cakes

Joseph Marketing




New Shape Tailors

Anbu Communications

Nalam Pasumaiyagam

CSC Computer Education



Thoothukudi Business Directory