» செய்திகள் - விளையாட்டு » தமிழகம்

மு.க.ஸ்டாலினை முதல்வர் ஆக்குவதே என் லட்சியம்: மதுரை பொதுக்கூட்டத்தில் வைகோ பேச்சு

புதன் 14, பிப்ரவரி 2018 12:57:20 PM (IST)

மு.க.ஸ்டாலினை முதல்வர் ஆக்குவதே என் லட்சியம் என்று மதுரை பொதுக்கூட்டத்தில் ம.தி.மு.க. பொதுச் செயலாளர் வைகோ பேசினார். 

பஸ் கட்டண உயர்வை கண்டித்து தி.மு.க. மற்றும் கூட்டணி கட்சிகள் சார்பில் மதுரை ஓபுளாபடித் துறையில் பொதுக்கூட்டம் நடை பெற்றது. இந்த கூட்டத்திற்கு தி.மு.க. மாவட்டச் செயலாளர்கள் வேலுச்சாமி, தளபதி ஆகியோர் தலைமை தாங்கினர். இதில் ம.தி.மு.க. பொதுச் செயலாளர் வைகோ கலந்து கொண்டு பேசியதாவது: கடந்த 30 ஆண்டுகளாக தி.மு.க.வுக்காக உழைத்து உள்ளேன். 14 ஆண்டுகளுக்கு பிறகு தி.மு.க. கொடி பறக்கும் மேடையில் பேசுகின்றேன். இந்த மேடையில் பேசுகின்ற போது எனக்கு கடந்த கால நிகழ்வுகள் நினைவுக்கு வருகின்றன. 

தாய் கழகமான தி.மு.க.வை காப்பதே என் கடமை. எத்தனை கட்சிகள் முளைத்தாலும், தி.மு.க.வை யாராலும் அழிக்க முடியாது. எனக்கு அடையாளம் கொடுத்தவர் கருணாநிதி. திராவிட இயக்கத்தை காப்பதற்கு தி.மு.க.வை ஆதரிப்பது எனது கடமையாகும். திராவிட இயக்கம் இல்லாத தமிழகம் என்று சிலர் பேசுகிறார்கள். இந்த திராவிட இயக்கத்தை அழிக்க நினைத்தால் வேலும், வாளுமாக நின்று தடுப்பேன்.

திராவிட இயக்கத்தை என் உயிருக்கு மேலாக நேசிக்கிறேன். நான் தி.மு.க.வில் இருந்த போதும், தி.மு.க. கூட்டணியில் இருந்த போதும் பலமுறை வெற்றி பெற்றதை மறைத்து விட்டு சிலர் விமர்சனம் செய்கிறார்கள். எதையும் எதிர்பாராமல் களத்தில் நிற்கும் தி.மு.க. ஆட்சிக்கு வர வேண்டும் என்பது தான் என் குறிக்கோள். தி.மு.க.தலைவர் கருணா நிதியை கோபாலபுரம் இல்லத்தில் சந்தித்தேன். அவரிடம் மு.க.ஸ்டாலின், வைகோ தி.மு.க. கூட்ட ணிக்கு வந்து விட்டார் என்றார்.

உடனே கருணாநிதியிடம் உங்களோடு ஒன்றாக இருந்தபோது எப்படி நிழலாக, கேடயமாக இருந்தேனோ, அதே போல மு.க.ஸ்டாலினுடன் இருப்பேன் என்று அவரிடம் உறுதி அளித்திருக்கிறேன். மு.க.ஸ்டாலினை முதல்வர் ஆக்க வேண்டும் என்பது தான் என் லட்சியம். எனக்கு பதவி ஆசை கிடையாது. மத்தியில் ஆளும் மோடியின் ஆட்சி நாட்டுக்கு கேடு. மாநிலத்தில் ஆளும் அ.தி.மு.க. அரசு மோடி அரசின் கொத்தடிமையாக செயல்பட்டு வருகிறது. இந்த அரசை தூக்கி எறிய வேண்டும். அ.தி.மு.க. ஆட்சியின் நாட்கள் எண்ணப்பட்டு வருகின்றன. எந்த நேரத்திலும் தேர்தல் வரலாம். தேர்தலை சந்திக்க நாம் தயாராக இருக்க வேண்டும். இவ்வாறு அவர் பேசினார்.


மக்கள் கருத்து

சாமிFeb 14, 2018 - 11:15:34 PM | Posted IP 117.2*****

சோலி முடிஞ்சுருச்சு

தமிழ்ச்செல்வன்Feb 14, 2018 - 07:37:09 PM | Posted IP 103.2*****

எழும்பூரில் இருக்கும் தாயகத்தை வித்து கட்சிக்காக தீக்குளித்த அந்த ஒன்பது பேரின் குடும்பத்துக்கு கொடுத்து விட்டு நீங்கள் போய் தி.மு.க.வில் சேர்ந்து விடுங்கள். அப்புறம் ஸ்டாலினை முதல்வராக்குங்கள்.

மக்கள்Feb 14, 2018 - 01:08:03 PM | Posted IP 59.99*****

ஏற்கனவே விஜயகாந்த்துக்கு வச்ச ஆப்பு இது.

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Annai Jewellers

Sponsored Ads


Friends Track CALL TAXI & CAB (P) LTD







New Shape Tailors


Johnson's Engineers

crescentopticals



Thoothukudi Business Directory