» செய்திகள் - விளையாட்டு » தமிழகம்

காதல் திருமணம் செய்த பெண்ணின் கர்ப்பத்தை கலைக்குமாறு மிரட்டல்: 5 பேர் மீது வழக்குப்பதிவு

வெள்ளி 21, ஏப்ரல் 2017 3:42:11 PM (IST)

மதுரையில் காதல் திருமணம் செய்த பெண்ணின் கர்ப்பத்தை கலைக்குமாறு மிரட்டல் விடுத்த கணவர் உள்பட குடும்பத்தினர் மீது அனைத்து மகளிர் போலீசார் வழக்குப்பதிவு செய்தனர்.

சென்னை ஐஸ்ஹவுஸ் பகுதியைச் சேர்ந்தவர் ராஜேஷ்வரி(28). இவருக்கும் மதுரை கீழப்பனங்காடியைச் சேர்ந்த மணிகண்டனுக்கும் பழக்கம் ஏற்பட்டு ஒன்றரை ஆண்டுகளாக பழகி வந்தனராம். இந்நிலையில் கடந்த பிப்ரவரி மாதம் மதுரைக்கு வந்த ராஜேஷ்வரியை, மணிகண்டன் தனது வீட்டில் தங்க வைத்தாராம். பின்னர் வீட்டினர் சம்மதத்துடன் ராஜேஷ்வரியை, தல்லாகுளம் பெருமாள் கோயிலில் மார்ச் மாதம் திருமணம் செய்துகொண்டாராம். 

பனங்காடியில் உள்ள வீட்டில் இருவரும் 15 நாள்கள் வாழ்ந்த நிலையில், தனிக்குடித்தனம் செல்வதற்காக வீடு பார்த்தபின்பு அழைப்பதாகக்கூறி ராஜேஷ்வரியை சென்னைக்கு அனுப்பி வைத்தனராம். இதற்கிடையில் ராஜேஷ்வரி கர்ப்பமான நிலையில், கணவர் மணிகண்டனை தொடர்பு கொண்டு பேசியுள்ளார். அப்போது கர்ப்பத்தை கலைக்க வேண்டும் என்று மணிகண்டன் மற்றும் அவரது குடும்பத்தினர் மிரட்டல் விடுத்தனராம். இதுதொடர்பாக ராஜேஷ்வரி அளித்தப் புகாரின்பேரில் தல்லாகுளம் அனைத்து மகளிர் போலீஸார், கணவர் மணிகண்டன்(26), தாய் ஜெயராணி(50), தந்தை ராஜா(53) உள்பட 5 பேர் மீது வழக்குப்பதிவு செய்து விசாரித்து வருகின்றனர்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads


CSC Computer Education

selvam aqua

New Shape Tailors

Black Forest Cakes


Nalam Pasumaiyagam


Universal Tiles Bazar


Pop Up Here

Johnson's Engineers



Thoothukudi Business Directory