புயல் நிவாரணமாக ரூ. 10 ஆயிரம் வழங்க வேண்டும் : பிரேமலதா விஜயகாந்த்

» செய்திகள் - விளையாட்டு » மாவட்ட செய்தி (தூத்துக்குடி)

புயல் நிவாரணமாக ரூ. 10 ஆயிரம் வழங்க வேண்டும் : பிரேமலதா விஜயகாந்த்

வெள்ளி 6, டிசம்பர் 2024 7:48:33 AM (IST)

தமிழக முதல்வர், எதிர்க்கட்சிகளை குறைகூறுவதை விட்டுவிட்டு பாதிக்கப்பட்டோருக்கு முழு அளவில் நிவாரணம் வழங்க வேண்டும் என தேமுதிக பொதுச் செயலர் பிரேமலதா விஜயகாந்த் வலியுறுத்தினார்.

தென்காசியில் நடைபெறும் நிகழ்ச்சியில் பங்கேற்பதற்காக தேமுதிக பொதுச் செயலர் பிரேமலதா விஜயகாந்த் சென்னையிலிருந்து விமானத்தில் தூத்துக்குடி வந்தார். விமான நிலையத்தில் அவர், செய்தியாளர்களிடம் கூறியது : விழுப்புரம், கள்ளக்குறிச்சி, தருமபுரி, கிருஷ்ணகிரி, வேலூர், காஞ்சிபுரம், செங்கல்பட்டு உள்ளிட்ட பல்வேறு மாவட்டங்கள் மழை, வெள்ளத்தால் பெரியளவில் பாதிக்கப்பட்டுள்ளன.

ஆனால், எதிர்க்கட்சிகள் வயிற்றெரிச்சலில் பேசி வீண் விளம்பரம் தேடுவதாக, முதல்வர் மு.க. ஸ்டாலின் கூறியுள்ளார். அமைச்சர் பொன்முடி மீது மக்கள் சேற்றை வாரி வீசுகின்றனர். திமுக பேனர்கள் கிழிக்கப்படுகின்றன. மக்கள் மறியலில் ஈடுபடுகின்றனர். இந்த அளவில்தான் திமுக ஆட்சி நடைபெறுகிறது.

எனவே, முதல்வர் எதிர்க்கட்சிகளை குறைகூறுவதை விட்டுவிட்டு பாதிக்கப்பட்டோருக்கு முழு அளவில் நிவாரணம் வழங்க வேண்டும். மழை, வெள்ளத்தால் பாதிக்கப்பட்ட குடும்பங்களுக்கு தலா ரூ.10 ஆயிரமும், விவசாயிகளுக்கு ரூ. 50 ஆயிரம் முதல் ரூ.1 லட்சம் வரையும் வழங்க வேண்டும் என வலியுறுத்தினார்.

மக்கள் கருத்து

மக்கள்Dec 6, 2024 - 12:05:45 PM | Posted IP 172.7*****

நீங்கள் முதலில் எவ்வளவு கொடுக்க போகிறீர்கள்.

காந்த்Dec 6, 2024 - 09:58:29 AM | Posted IP 162.1*****

இவா ஒரு ஆளு. சும்மா பெரிய ஆள்மாதிரி காட்டுவ.

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

புயல் நிவாரணமாக ரூ. 10 ஆயிரம் வழங்க வேண்டும் : பிரேமலதா விஜயகாந்த்

» செய்திகள் - விளையாட்டு » மாவட்ட செய்தி (தூத்துக்குடி)