தூத்துக்குடியில் உலக மனநல தின பேரணி : மருத்துவர்கள், செவிலியர்கள் பங்கேற்பு!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடியில் உலக மனநல தின பேரணி : மருத்துவர்கள், செவிலியர்கள் பங்கேற்பு!

வியாழன் 10, அக்டோபர் 2024 10:49:03 AM (IST)

தூத்துக்குடியில் உலக மனநல தினத்தை முன்னிட்டு அரசு மருத்துவக் கல்லூரி மருத்துவமனை மனநல துறை சார்பாக விழிப்புணர்வு பேரணி நடைபெற்றது.

உலக அளவில் ஆண்டுதோறும் அக்டோபர் 10 ஆம் தேதி உலக மனநல தினமாக கடைபிடிக்கப்படுகிறது. உலகளாவிய அளவில் மனநலம் குறித்த விழிப்புணர்வை ஏற்படுத்தும் நோக்கில் இந்த நாள் கடைபிடிக்கப்படுகிறது. இந்நிலையில், தூத்துக்குடியில் உலக மனநல தினத்தை முன்னிட்டு அரசு மருத்துவக் கல்லூரி மருத்துவமனை மனநல துறை சார்பாக விழிப்புணர்வு பேரணி நடைபெற்றது.

விழாவிற்கு அரசு மருத்துவக்கல்லூரி மருத்துவமனை முதல்வர் சிவகுமார் தலைமை தாங்கி பேரணியை துவக்கி வைத்தார். பேரணியில் நூற்றுக்கும் மேற்பட்ட மருத்துவம் மற்றும் செவிலியர் மாணவ, மாணவிகள் கலந்து கொண்டனர். அதனை தொடர்ந்து மருத்துவமனை வளாகத்தில் உள்ள கூட்ட அரங்கத்தில் மனநலம் குறித்த விழிப்புணர்வு நிகழச்சி நடைபெற்றது.

இவ்விழாவில் தூத்துக்குடி அரசு மருத்துவக் கல்லூரி துணை முதல்வர் கலைவாணி, அரசு மருத்துவக் கல்லூரி மருத்துவமனை கண்காணிப்பாளர் பத்மநாபன், துணை கண்காணிப்பாளர் குமரன், உறைவிட மருத்துவ அலுவலர் சைலஸ் ஜெயமணி, மனநலத்துறை தலைவர் அப்துல் ரகுமான், மற்றும் மனநல மருத்துவர்கள் உட்பட பலர் கலந்து கொண்டனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

தூத்துக்குடி அஞ்சலகங்களில் ஆதார் சேவை மையம் : பொதுமக்கள் பயன்பெற அழைப்பு!!

தூத்துக்குடியில் உலக மனநல தின பேரணி : மருத்துவர்கள், செவிலியர்கள் பங்கேற்பு!

» செய்திகள் - விளையாட்டு » மாவட்ட செய்தி (தூத்துக்குடி)