தூத்துக்குடியில் முதல் முறையாக உடல் உறுப்பு தானம் : அமைச்சர் கீதாஜீவன் அஞ்சலி

உடல் உறுப்பு தானத்திற்கு சம்மதம் தெரிவித்த நோயாளியின் மனைவி, மகன் மற்றும் உறவினர்களுக்கு மாவட்ட நிர்வாகம் மற்றும் தூத்துக்குடி அரசு மருத்துவக் கல்லூரி மருத்துவமனை நிர்வாகம் சார்பில் நன்றி தெரிவிக்கப்பட்டது. மேலும் உறுப்பு தானம் செய்தவரின் உடல் முழு அரசு மரியாதையுடன் அடக்கம் செய்யப்படவுள்ளது.

தமிழ்நாடு அரசு சார்பில் உடல் உறுப்பு தானம் செய்த ஆர்.சந்தானராஜ் அவரது உடலுக்கு சமூக நலன் மற்றும் மகளிர் உரிமைத்துறை அமைச்சர் பி.கீதா ஜீவன் , மாவட்ட ஆட்சியர் க.இளம்பகவத், தூத்துக்குடி மாநகராட்சி மேயர் பெ.ஜெகன் ஆகியோர் மலர் வளையம் வைத்து அஞ்சலி செலுத்தினர்.

பின்பு, அமைச்சர், மாவட்ட ஆட்சியர் , தூத்துக்குடி மாநகராட்சி மேயர் , தூத்துக்குடி அரசு மருத்துவக் கல்லூரி மாணவ - மாணவியர்கள், செவிலியர்கள், மருத்துவமனை ஊழியர்கள் ஆகியோர் அரசு மரியாதையுடன் அடக்கம் செய்யப்படவுள்ள ஆர்.சந்தானராஜ் அவர்களின் உடலை எடுத்துச் சென்ற ஆம்புலன்ஸ் வாகனம் முன் நடந்து சென்று தங்களது நன்றியையும், மரியாதையும் செலுத்தினர்.

மேலும், அரசு மருத்துவக் கல்லூரி மற்றும் செவிலியர் கல்லூரி மாணவ - மாணவியர்கள், அரசு மருத்துவமனை மருத்துவர்கள் மற்றும் பணியாளர்கள் உள்ளிட்ட அனைவரும் ஆர்.சந்தானராஜ் அவர்களின் உடலை எடுத்து சென்ற ஆம்புலன்ஸ் வாகனம் மீது மலர்களை தூவி மரியாதை செய்தனர். தூத்துக்குடி அரசு மருத்துவக்கல்லூரி மருத்துவமனையில் முதல் முறையாக உடல் உறுப்பு தானத்திற்காக மூளைச்சாவு அடைந்த நோயாளிடமிருந்து உறுப்புகள் ஒதுக்கப்பட்ட மருத்துவமனைகளுக்கு அனுப்பப்பட்டுள்ளது.