தூத்துக்குடியில் 3 ஆடுகளை திருடிய ரவுடி கைது!

தூத்துக்குடியில் 3 ஆடுகளை திருடிய ரவுடியை போலீசார் கைது செய்தனர்.  மேலும் 3 பேரை தேடி வருகின்றனர். 

தூத்துக்குடி மீளவிட்டான் பகுதியைச் சேர்ந்தவர் நடராஜன் மகன் பொன்வேல் (53). இவர் பண்டாரம்பட்டி ரோட்டில் கொட்டகை அமைத்து ஆடுகள் வளர்த்து வருகிறார். கடந்த 21ஆம் தேதி 2 பைக்குகளில் வந்த 4 பேர் 3 ஆடுகளை திருடி சென்று விட்டனர். இதன் மதிப்பு ரூ.45 ஆயிரம் ஆகும். இது தொடர்பாக பொன்வேல் சிப்காட் காவல் நிலையத்தில் புகார் செய்தார்.

புகாரின் பேரில் சப் இன்ஸ்பெக்டர் சண்முகம் வழக்கு பதிவு செய்து விசாரணை நடத்தி, தூத்துக்குடி பூபால் ராயர்புரம் 2வது தெருவைச் சேர்ந்த குருசாமி மகன் ராஜேஷ் (27) என்பவரை கைது செய்து அவரிடமிருந்து 3ஆடுகள் 2 பைக்குகளை பறிமுதல் செய்தனர். மேலும் 3 பேரை போலீசார் தேடி வருகின்றனர். கைது செய்யப்பட்ட ராஜேஷ் மீது பல்வேறு வழக்குகள் இருப்பதாகவும், அவர் ரவுடி பட்டியலில் இருப்பதாகவும் போலீசார் தெரிவித்தனர்.