உ.பி., வாலிபருக்கு கத்திக்குத்து: ஹரியானா வாலிபர் கைது!

கல்லாமொழியில் மதுபோதையில் ஏற்பட்ட தகராறில், உத்தரபிரதேச வாலிபரை கத்தியால் குத்திய ஹரியானா வாலிபரை போலீசார் கைது செய்தனர். 

தூத்துக்குடி மாவட்டம் உடன்குடி அருகே கல்லாமொழியில் அனல்மின் நிலையம் கட்டுமான பணிகள் நடந்து வருகிறது. இதில் வட மாநிலத்தைச் சேர்ந்த பலர் பணியாற்றி வருகின்றனர். இதில் அரியானா மாநிலம் கிருஷ்ணா நகரைச் சேர்ந்த ராம்தாஸ் மகன் சஞ்சய்குமார் (38), உத்தர பிரதேச மாநிலத்தைச் சேர்ந்த மகதூர் மகன் ராஜேந்திர குமார் (29) ஆகிய இருவரும் ஒர ஷெட்டில் தங்கியுள்ளனர்.

நேற்று மது போதையில் இருவருக்கும் இடையே தகராறு ஏற்பட்டுள்ளது. இதில் ஆத்திரம் அடைந்த சஞ்சய் குமார், ராஜேந்திர குமாரை கத்தியால் குத்தியுள்ளார். இதில் காயம் அடைந்த அவர் திருச்செந்தூர் அரசு மருத்துவமனையில் அனுமதிக்கப்பட்டு சிகிச்சை பெற்று வருகிறார். இதுகுறித்து புகாரின் பேரில் குலசேகரன்பட்டினம் போலீஸ் இன்ஸ்பெக்டர் ரகுராஜன் வழக்குப் பதிந்து சஞ்சய்குமாரை கைது செய்து விசாரணை நடத்தி வருகிறார்.