ஜே.எஸ்., நகரில் பூங்கா அமைக்க வேண்டும்: மேயரிடம் பொதுமக்கள் கோரிக்கை!

தூத்துக்குடி ஜே.எஸ்., நகரில் பூங்கா மற்றும் விளையாட்டு மைதானம் அமைக்க வேண்டும் என்று மேயரிடம் பொதுமக்கள் கோரிக்கை விடுத்தனர். 

தூத்துக்குடி மாநகராட்சிக்குட்பட்ட ஜே.எஸ்., நகரில் பூங்கா மற்றும் விளையாட்டு மைதானம் அமைக்க வேண்டும் என்று ஜே.எஸ்., நகர் மக்கள் நல வாழ்வு சங்கத்தை சேர்ந்த நிர்வாகிகள், உறுப்பினர்கள் மற்றும் அப்பகுதி மக்கள் மேயர் ஜெகன் பெரியசாமியை சந்தித்து கோரிக்கை மனு அளித்தனர். அவர்களது கோரிக்கையினை ஏற்று அதிகாரிகளுடன் கலந்து ஆலோசித்து வரும் நாட்களில் அந்தப் பகுதியில் நிறைவேற்றி தருகிறேன் என்று மேயர் உறுதி அளித்தார்.