திமுக நிர்வாகிகள் அதிமுகவில் ஐக்கியம்: எஸ்.பி. சண்முகநாதன் முன்னிலையில் இணைந்தனர்!

சிவகளை பரம்பு திமுக நிர்வாகிகள் முன்னாள் அமைச்சர் எஸ்.பி.சண்முகநாதன் முன்னிலையில் அதிமுகவில் இணைந்தனர்.

தூத்துக்குடி மாவட்டம் சிவகளை பரம்பை சார்ந்த திமுக கிளை நிர்வாகிகள் சுரேஷ், ஜெபமாலை, சன்னியாசிமுத்து, ஐயப்பன், பாஸ்கர், பாலசுப்பிரமணியன் ஆகியோர் அக்கட்சியில் இருந்தி விலகி அதிமுக நிரந்தர பொதுச்செயலாளர் எடப்பாடி பழனிசாமி தலைமையேற்று நேற்று காலை பண்டாரவிளை அதிமுக அலுவலகத்தில் தூத்துக்குடி தெற்கு மாவட்ட அதிமுக செயலாளரும் முன்னாள் அமைச்சருமான எஸ்.பி.சண்முகநாதனை சந்தித்து அதிமுகவில் இணைந்தனர். 

அவர்களை முன்னாள் அமைச்சர் எஸ்.பி.சண்முகநாதன் அதிமுக கரை வேஷ்டி அணிவித்து வரவேற்றார். இந்நிகழ்வின் போது ஸ்ரீவைகுண்டம் மேற்கு ஒன்றிய செயலாளர் சி.காசிராஜன், சிவகளை பரம்பு அதிமுக நிர்வாகிகள் ரமேஷ், பழனி, கணேசன், பரமசிவன் ஆகியோர் உடன் இருந்தனர்.