எச்சரிக்கை விளக்கு இல்லாததால் விபத்துக்கள் அதிகரிப்பு

» செய்திகள் - விளையாட்டு » மாவட்ட செய்தி (தூத்துக்குடி)

எச்சரிக்கை விளக்கு இல்லாததால் விபத்துக்கள் அதிகரிப்பு - தூத்துக்குடியில் அவலம்!!

வியாழன் 1, ஜூன் 2023 11:48:40 AM (IST)

தூத்துக்குடி தெர்மல் நகர் சந்திப்பு பகுதியில் விபத்துக்களை தடுக்க காவல்துறை நடவடிக்கை எடுக்க வேண்டும் என கோரிக்கை விடுக்கப்பட்டுள்ளது.

தூத்துக்குடி அனல்மின் நிலைய குடியிருப்பு, காதர்மீரான் நகர் சந்திப்பு எப்போதும் மக்கள் கடக்க கூடிய பகுதியாகும். இந்த பகுதியில் எச்சரிக்கை விளக்குகள், சாலை விளக்குகள் இல்லாததால் அடிக்கடி விபத்துகள் ஏற்படுகிறது. இந்நிலையில் நேற்று சாலையோரம் நின்ற லாரி மீது பைக் மோதி அனல்மின் நிலைய ஊழியர் ஒருவர் பரிதாபமாக உயிரிழந்தார்.

அப்பகுதியில் புதிதாக டாஸ்மாக் திறந்து உள்ளதால் லாரி ஓட்டுநர்கள் ஆங்காங்கே லாரிகளை நிறுத்திவிட்டு மதுக்கடைக்கு சென்று வருவதால் அப்பகுதியில் அடிக்கடி போக்குவரத்து நெருக்கடியும், விபத்துக்களும் ஏற்படுவதாக கூறப்படுகிறது. மேலும் எச்சரிக்கை விளக்குகள் இல்லாததால் அதிவேகமாக வரும் வாகனங்கள் விபத்தில் சிக்குவதாக கூறப்படுகிறது.

கடந்த காலத்தில் டி.எஸ்.பியாக பிரகாஷ் இருந்தபோது அப்பகுதியில் எச்சரிக்கை விளக்குகள் அமைக்க நடவடிக்கை மேற்கொண்டார். தற்போது அதன் கம்பங்கள் மட்டுமே உள்ளது. விளக்குகள் இல்லை. இப்பகுதியில் போலீசார் ரோந்து பணியில் ஈடுபடவில்லை என்றும் கூறப்படுகிறது. இது தொடர்பாக தூத்துக்குடி மாவட்ட காவல்துறை உரிய நடவடிக்கை எடுக்க வேண்டும் என சமூக ஆர்வலர்கள் கோரிக்கை விடுத்துள்ளனர்.

மக்கள் கருத்து

மக்களில் ஒருவன்Jun 1, 2023 - 02:54:08 PM | Posted IP 172.7*****

வருமானம் அதிகமாக உள்ள துறைமுகம் பஞ்சாயத்து எல்லாம் இருக்கிற பகுதியில் மக்களுக்கு அன்றாட தேவையான பஸ் போக்குவரத்து, எச்சரிகை விளக்குகள், ரோந்து போலீஸ் இப்படி எந்த வசதி இல்லாமல் கனரக வாகனங்கள் அதிகமாக செல்லும் பகுதி எப்புடி இருக்க வேண்டும் என்று அதிகாரிகளுக்கு தெரிந்து இருக்க வேண்டும்.அதற்கு தேவையான பாதுகாப்பு வசதிகள் துறைமுகம் தான் செய்ய வேண்டும். மக்களின் உயிருக்கு போதுமான பாதுகாப்பு இல்லாத பகுதியாக மாறி வருகிறது.

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

எச்சரிக்கை விளக்கு இல்லாததால் விபத்துக்கள் அதிகரிப்பு - தூத்துக்குடியில் அவலம்!!

» செய்திகள் - விளையாட்டு » மாவட்ட செய்தி (தூத்துக்குடி)