தூத்துக்குடி பேருந்து பணிமனைக்கு கலைஞர் பெயர் : மாநகராட்சி கூட்டத்தில் தீர்மானம் நிறைவேற்றம்

தூத்துக்குடி பேருந்து பணிமனைக்கு முன்னாள் முதல்வர் கலைஞர் கருணாநிதி பெயர் சூட்டுவது என மாநகராட்சியில் தீர்மானம் நிறைவேற்றப்பட்டது.

தூத்துக்குடி மாநகராட்சி கூட்டம் மேயர் ஜெகன் பெரியசாமி தலைமையில் இன்று நடைபெற்றது. ஆணையர் தினேஷ்குமார், துணை மேயர் ஜெனிட்டா ஆகியோர் முன்னிலை வகித்தனர். கூட்டத்தில் பேசிய மேயர் "தூத்துக்குடி மாநகராட்சியில் ஸ்மார்ட் சிட்டி திட்டத்தில் 58 கோடி 67 லட்ச ரூபாய் மதிப்பில் புதிதாக அமைக்கப்பட்டுள்ள அறிஞர் அண்ணா பேருந்து நிலையம் விரைவில் பயன்பாட்டிற்கு கொண்டு வரப்படும் என தெரிவித்தார்.

ஜெயராஜ் கட்டப்பட்டுள்ள பல அடுக்க வாகன காப்பகம், பேருந்து பணிமனை ஆகியவற்றிற்கு முன்னாள் முதல்வர் கலைஞர் கருணாநிதி பெயர் சூட்டுவது, மணல் சாலைகளை தார் சாலைகளாக மாற்றுவது உட்பட பல்வேறு தீர்மானங்கள் நிறைவேற்றப்பட்டது. 

அதிமுக கொறடா மந்திரமூர்த்தி பேசுகையில், சமீபத்தில் அண்ணா சிலை அருகே மின்சாரம் தாக்கி இறந்த கீரை வியாபாரி ஜெயகணேசுக்கு மாநகராட்சி இழப்பீடு வழங்க வேண்டும், சத்யா நகர் பாலம் இறக்கத்தில் உள்ள ரவுண்டனாவில் உயர்மின் கோபுர விளக்கு அமைக்க வேண்டும் என வலியுறுத்தினார்.  இதுபோல் மாநகராட்சி கவுன்சிலர்கள் தங்களது பகுதிகளில் உள்ள குறைகளை சுட்டிக் காட்டி பேசினர். முன்னதாக மேயர் தலைமையில் மாநகராட்சி உறுப்பினர்கள், அலுவலர்கள் புகையிலை எதிர்ப்பு தின உறுதிமொழி எடுத்துக் கொன்டனர்.