ரஜினி யாருக்கும் ஆதரவளிக்க வாய்ப்பில்லை : சத்யநாராயண ராவ் பேட்டி!

திருச்செந்தூர் சுப்பிரமணிய சுவாமி கோயிலில்  ரஜினியின் அண்ணன் சத்யநாராயண ராவ் சாமி தரிசனம் செய்தார். 

அதனையடுத்து செய்தியாளர்களிடம் பேசிய அவர், "ரஜினி நடிப்பில் ஜெயிலர், லால் சலாம் ஆகிய படங்கள் விரைவில் ரிலீஸாக விருக்கின்றன. அடுத்ததாக மூன்று படங்கள் வரவிருக்கின்றன. அவை அனைத்துமே நல்ல படங்கள். முருகன் அருளால் ரஜினிகாந்த் ஆரோக்கியமாக, சந்தோஷமாக, நீண்ட ஆயுளுடன் வாழ வேண்டும். ரஜினி அரசியலுக்கு வர மாட்டார். அவருக்கு வயதாகிவிட்டது. இனி வந்து பிரயோஜனம் இல்லை. அவர் யாருக்கும் ஆதரவு அளிக்க வாய்ப்பில்லை" என்றார்.