தூத்துக்குடியில் கொலை முயற்சி வழக்கில் கைதான 3பேர் மீது குண்டர் சட்டம் பாய்ந்தது!!

தூத்துக்குடி சிலுவைபட்டி பகுதியில் கடந்த 04.05.2023 அன்று திருநெல்வேலி மாவட்டம் ராதாபுரம் கூத்தப்பனை பகுதியைச் சேர்ந்த ராயப்பன் மகன் ஆனந்த் (42) என்பவரை முன்விரோதம் காரணமாக அரிவாளால் தாக்கி கொலை முயற்சியில் ஈடுபட்ட வழக்கில் தூத்துக்குடி பழைய ஹவுசிங் போர்டு பகுதியைச் சேர்ந்த கருப்பசாமி மகன் பாலவிக்னேஷ் (20), கிருஷ்ணராஜபுரம் பழனிமுருகன் மகன் சக்திகுமார் (21) மற்றும் சக்திவிநாயகர்புரம் மகேந்திரன் மகன் சுடலைகுமார் (19) ஆகிய 3 பேரை தாளமுத்துநகர் போலீசார் கைது செய்தனர். 

இவ்வழக்கின் கைதான 3 பேர் மீதும் குண்டர் தடுப்பு சட்டத்தில் நடவடிக்கை எடுக்க மாவட்ட காவல் கண்காணிப்பாளர் பாலாஜி சரவணன் மாவட்ட ஆட்சியருக்கு பரிந்துரை செய்தார். அதன் பேரில் மாவட்ட ஆட்சியர் செந்தில்ராஜ் 3 பேரையும் குண்டர் தடுப்புச் சட்டத்தில் கைது செய்ய உத்தரவிட்டார். ஆட்சியர் உத்தரவின் பேரில் தாளமுத்துநகர் காவல் நிலைய ஆய்வாளர் மணிமாறன் 3பேரையும் குண்டர் தடுப்புச் சட்டத்தில் கைது செய்து பாளையங்கோட்டை மத்திய சிறையில் அடைத்தார்.