பைக்கில் சென்ற பெண்ணிடம் நகை பறிப்பு : மர்ம நபர்களுக்கு போலீஸ் வலைவீச்சு!

ஏரல் அருகே கணவருடன் பைக்கில் சென்றபோது பெண்ணிடம் 2 பவுன் செயினை பறித்துச் சென்ற மர்ம நபர்களை போலீசார் தேடி வருகின்றனர். 

தூத்துக்குடி மாவட்டம், முக்காணி மேல தெருவைச் சேர்ந்தவர் பாலசுப்பிரமணியன். இவரது மனைவி பாக்கியலட்சுமி (44). நேற்று மதியம் கணவன், மனைவி இருவரும் முக்காணியில் இருந்து ஏரலுக்கு பைக்கில் சென்று கொண்டிருந்தனர். உமரிகாடு மெயின் ரோட்டில் செல்லும்போது பின்னால் பைக்கில் வந்த 2 வாலிபர்கள் திடீரென பாக்கியலட்சுமி கழுத்தில் கிடந்த 2 பவுன் தாலி செயினை பறித்து சென்றுவிட்டனர். இதுகுறித்து பாக்கியலட்சுமி அளித்த புகாரின் பேரில் ஏரல் போலீஸ் இன்ஸ்பெக்டர் மேரி ஜெமீதா வழக்குப் பதிந்து விசாரணை நடத்தி வருகிறார்.