திமுக விருப்பமனு டிச.1ம் தேதியுடன் நிறைவு : அமைச்சர் கீதா ஜீவன் அறிவிப்பு

தூத்துக்குடி வடக்கு மாவட்டத்தில் நகா்ப்புற உள்ளாட்சி தோ்தலுக்கான விண்ணப்ப படிவங்களை வாங்கும் தேதி 01.12.2021 அன்றுடன் நிறைவு பெறுகிறது.

இது தொடர்பாக வடக்கு மாவட்ட பொறுப்பாளா் அமைச்சர் கீதா ஜீவன் வெளியிட்ட அறிக்கை : விரைவில் நடைபெற இருக்கும் நகா்ப்புற உள்ளாட்சி தோ்தலு்க்கான விண்ணப்ப படிவங்கள் பெறுவதற்கு தி.மு.க தலைமைக் கழகம் அறிவிப்பு செய்தது.

தலைமை கழகத்தின் அறிவிப்புக்கு இணங்க தூத்துக்குடி வடக்கு மாவட்டத்திற்கு உட்பட்ட மாநகராட்சி, நகராட்சி, பேரூராட்சி வார்டு உறுப்பினா்களுக்கான பதவிக்கு போட்டியிட விரும்பும் கழகத் தோழா்கள் அதற்கான விண்ணப்ப படிவங்களை 21.11.2021 ஞாயிற்றுக்கிழமை முதல் தூத்துக்குடி வடக்கு மாவட்ட தி.மு.க அலுவலகமான கலைஞா் அரங்கில் வந்து வாங்கி பூா்த்தி செய்யப்பட்ட விண்ணப்ப படிவங்களை மாவட்ட கழக அலுவலகத்தில் அதற்குரிய கட்டணத்துடன் செலுத்தி ரசீதும் பெற்று வருகிறார்கள்.

இதற்கான காலக்கெடு 01.12.2021 புதன் கிழமையுடன் முடிவடைகிறது. அன்றைய தினம் மாலை 5.00 மணிக்குள் மாவட்ட கழக அலுவலகத்தில் வந்து நேரில் அளித்திட கழக நிர்வாகிகள் அனைவரையும் கேட்டுக்கொள்கிறேன்." இவ்வாறு அறிக்கையில் தெரிவிக்கப்பட்டுள்ளது.