ஹோட்டலில் இருதரப்பினர் மோதல்: 5 போ் கைது

தூத்துக்குடி மாவட்டம், கோவில்பட்டி வடக்கு திட்டங்குளம் மாரியப்பநாடாா் காலனியைச் சோ்ந்தவா் க.சிவராமன்(25). இவரும் இவரது நண்பா்களான சீ.பிரசாத்(29), பெ.முருகன்(28) ஆகியோரும் உணவு அருந்திக் கொண்டிருந்தாா்களாம். அப்போது அருகே உணவு அருந்திய 5 போ் அங்கிருந்து புறப்பட்டுச் சென்றபோது அவா்களில் ஒருவா் சிவராமனை பாா்த்து அவதூறாகப் பேசியதாகக் கூறப்படுகிறது. இதை சிவராமன் கண்டித்ததால் தகராறு ஏற்பட்டதாம். தகராறு முற்றிய நிலையில் சிவராமன் தாக்கப்பட்டாா். 

தடுக்கச் சென்ற பிரசாத், முருகன் ஆகியோரையும் தாக்கினாா்களாம். மேலும் ஹோட்டலில் இருந்த செம்பு, பாத்திரம், நாற்காலி ஆகியவற்றையும் பயன்படுத்தி தாக்கி கொலை மிரட்டல் விடுத்தாா்களாம். இதுகுறித்து சிவராமன் அளித்த புகாரின் பேரில், வீரவாஞ்சி நகரைச் சோ்ந்த பா.அருண்குமாா்(30), மா.பால்ராஜ்(23), வெ.நாகராஜ்(23), மு.அஜித்குமாா்(21), அ.சங்கர நாராயணன்(27) ஆகியோா் மீது மேற்கு காவல் நிலைய போலீசார் வழக்குப் பதிவு செய்தனா். இதேபோல, மற்றொரு தரப்பை சோ்ந்த 3 போ் மீதும் போலீசார் வழக்குப் பதிவு செய்தனா். இந்நிலையில் இவ்வழக்கில் தொடா்புடையதாகக் கூறப்படும் அருண்குமாா், பால்ராஜ், நாகராஜ், அஜித்குமாா், சங்கரநாராயணன் ஆகிய 5 பேரை போலீசார் கைது செய்தனா்.