» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடி விசைப்படகுகள் கடலுக்குச் செல்லவில்லை : மீன்பிடி துறைமுகம் வெறிச்சோடியது

வியாழன் 8, ஏப்ரல் 2021 4:37:46 PM (IST)

தூத்துக்குடியில் மீன்பாடு குறைந்ததால், விசைப்படகு மீனவர்கள் கடலுக்குச் செல்லவில்லை. இதனால் மீன்பிடி துறைமுகம் வெறிச்சோடி காணப்படுகிறது. 

தமிழகத்தின் கிழக்கு கடற்கரைப் பகுதியில் மீன் இனப்பெருக்க காலத்தை கருத்தில் கொண்டும் மீன்வளத்தை பாதுகாக்கும் வகையிலும், திருவள்ளுர் மாவட்டம் முதல் கன்னியாகுமரி நகரம் வரை ஒவ்வொரு ஆண்டும் ஏப்ரல் 15–ம் தேதி முதல் ஜூன் மாதம் 14–ம் தேதி வரை 61 நாட்கள் மீன்பிடி தடைக்காலமாக அறிவிக்கப்பட்டு வருகிறது. அதன்படி இந்த ஆண்டும் தடைக்காலம் வருகிற 15ம் தேதி துவங்க உள்ளது.

தூத்துக்குடி மாவட்டத்தில் உள்ள 412 விசைப்படகுகள் கடலுக்கு சென்று வருகின்றன. இதனை நம்பி ஆயிரக்கணக்கான மீனவர்கள் உள்ளனர். இந்நிலையில், தூத்துக்குடியில் கடந்த 1ம் தேதி புனித வெள்ளி முதல் விசைப்படகுகள் கடலுக்குச் செல்லவில்லை. தற்போது மீன்பாடு குறைவாக உள்ளது. மேலும், மீன்பிடி தடைகாலம் விரைவில் துவங்க உள்ளது. இதனால் கடலுக்கு செல்ல வேண்டாம் என விசைப்படகு உரிமையாளர்கள் முடிவு செய்துள்ளதாக கூறப்படுகிறது. விசைப் படகுகள் கடலுக்குச் செல்லாததால் தூத்துக்குடி மீன்பிடி துறைமுகம் வெறிச்சோடி காணப்படுகிறது.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads

Black Forest Cakes



Thalir Products




Nalam Pasumaiyagam



Thoothukudi Business Directory