திமுக - அதிமுக மோதலால் வாக்குப்பதிவு நிறுத்தம் : தூத்துக்குடி, கடம்பூரில் பரபரப்பு

தூத்துக்குடி, கடம்பூரில் உள்ள வாக்குச் சாவடிகளில் வாக்குப்பதிவு திடீரென நிறுத்தப்பட்டதால் பரபரப்பு ஏற்பட்டது. 

தூத்துக்குடி டூவிபுரத்தில் டிஎன்டிஏ பள்ளியில் உள்ள 234வது வாக்குச் சாவடியில், அண்ணா நகர் பகுதியைச் சேர்ந்த மக்கள் வாக்களிக்க வந்தனர். அப்போது சிலரது பெயர்கள் வாக்காளர் பட்டியலில் இருந்து நீக்கப்பட்டது தெரியவந்ததால் அதிர்ச்சியடைந்தனர். இதுகுறித்து தகவல் அறிந்து அதிமுகவினர் அதிகாரிகள்  வாக்குவாதத்தில் ஈடுபட்டனர். இதனால் அங்கு சுமார் 1 மணி நேரம் வாக்குப் பதிவு நிறுததப்பட்டது. இதற்கு திமுகவினர் ஆட்சேபம் தெரிவித்தனர். இதனால் அங்கு பரபரப்பு ஏற்பட்டது. இதையடுத்து டவுண் டிஎஸ்பி கணேஷ் தலைமையிலான போலீசார் சம்பவ இடத்திற்கு சென்று பேச்சுவார்ததை நடத்தினர். இதையடுத்து வாக்குப் பதிவு தொடர்ந்து நடைபெற்று வருகிறது.