» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடி மாவட்டத்தில் அந்நிய நபர்கள் வெளியேற வேண்டும் - எஸ்பி உத்தரவு

சனி 3, ஏப்ரல் 2021 3:15:41 PM (IST)

சட்டமன்ற தேர்தல் தேர்தல் பிரசாரம் நாளை மாலை 7 மணியளவில் முடிவடைகிறது. இதையடுத்து தூத்துக்குடி மாவட்டத்தில் வாக்கு இல்லாத அந்நிய நபர்கள் தங்குவதற்கு தடை விதிக்கப்பட்டுள்ளது. 

இது தொடர்பாக மாவட்ட காவல் கண்காணிப்பாளர் எஸ். ஜெயக்குமார் வெளியிட்ட செய்திக்குறிப்பு : தமிழக சட்டமன்ற தேர்தல் வாக்குப்பதிவு வருகிற 06.04.2021 அன்று நடைபெற உள்ளதை முன்னிட்டு நாளை (04.04.2021) மாலை 7 மணியுடன்  தேர்தல் பிரச்சாரம் செய்வதற்கான காலம் முடிவடைகிறது.  அதன் பிறகு  வேட்பாளர்கள் மற்றும் அரசியல் கட்சியினர்கள் உட்பட யாரும் நாளை மாலை 7 மணிக்கு பிறகு திரையரங்குகள், உள்;ர் தொலைக்காட்சி மற்றும் மின்னணு ஊடகங்கள் மூலமாக பிரச்சாரம் செய்வது உட்பட எவ்வித தேர்தல் பிரச்சாரமும் செய்யக்கூடாது.  மேலும் ஊர்வலங்கள் மற்றும் கூட்டங்கள் நடத்தக்கூடாது.

அதே போன்று தூத்துக்குடி மாவட்டத்தில் வாக்கு இல்லாத அந்நிய நபர்கள் யாரும் தேவையில்லாமல் விடுதிகள் மற்றும் திருமண மண்டபங்கள் ஆகியவற்றில் தங்கக்கூடாது. வாக்காளர்களுக்கு பணமோ, பரிசுப்பொருளோ எதுவும் கொடுக்கக்கூடாது.  வாக்குப்பதிவு நடைபெறும் வாக்குச்சாவடி மையங்களுக்கு 200 மீட்டர் சுற்றளவு எல்லைக்குள் அரசியல் கட்சியினர் மற்றும் வேட்பாளர்கள் யாரும் தற்காலிக பூத்கள் அமைப்பதோ, கூட்டம் கூடுவதோ, ஓட்டு கேட்பதோ, போன்ற எவ்வித நடவடிக்கையிலும் ஈடுபடக்கூடாது. அதே போன்று வாக்காளர்களை வாக்குச் சாவடி மையங்களுக்கு அரசியல் கட்சியினரோ, வேட்பாளர்களோ வாகனங்களில் ஏற்றிச்செல்வது சட்டப்படி குற்றமாகும். மீறினால் அவர்கள் மீது சட்டப்படி கடுமையான நடவடிக்கை எடுக்கப்படும் 

தூத்துக்குடி மாவட்டத்தில் பதற்றம் நிறைந்த பகுதிகளில் சுமார் 700க்கும் மேற்பட்ட துணை இராணுவத்தினர் பாதுகாப்பு பணியில் ஈடுபடுவார்கள். இது தவிர 2000க்கும் மேற்பட்ட உள்ளூர் காவல்துறை அதிகாரிகள் மற்றும் காவல்துறையினர் தேர்தல் பணியில் ஈடுபட்டு வருகின்றனர். மேலும் வாக்குப்பதிவின் போது முன்னாள் இராணுவத்தினர் மற்றும் ஓய்வு பெற்ற காவல்துறையினர் தேர்தல் பணியில் ஈடுபடுத்தப்படுவார்கள். இதுவரை விருப்பம் தெரிவிக்காத முன்னாள் இராணுவத்தினர் மற்றும் ஓய்வு பெற்ற காவல்துறையினர் தேர்தல் பாதுகாப்பு பணியில் ஈடுபட விருப்பமிருந்தால் நாளை (04.04.2021) காலை 09.00 மணிக்கு தூத்துக்குடி மாவட்ட காவல் கண்காணிப்பாளர் அலுவலக வளாக மைதானத்தில் நேரடியாக ஆஜராகலாம் எனவும் மாவட்ட காவல் கண்காணிப்பாளர் தெரிவித்துள்ளார்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads






Thalir Products

Black Forest Cakes

Nalam Pasumaiyagam



Thoothukudi Business Directory