ராஜேஷ் தாஸை கைது செய்யக் கோரி மாதர் சங்கம் ஆர்ப்பாட்டம்

பாலியல் துன்புறுத்தல் விவகாரத்தில் சிறப்பு டிஜிபி ராஜேஷ் தாஸை கைது செய்யக் கோரி தூத்துக்குடியில் மாதர் சங்கத்தினர் ஆர்ப்பாட்டத்தில் ஈடுபட்டனர்.

பெண் காவலர்  உயர் அதிகாரிக்கு பாலியல் தொல்லை கொடுத்த டிஜிபி ராஜேஸ் தாஸ் மற்றும் இதுகுறித்து புகார் கொடுக்க விடாமல் தடுத்த செங்கல்பட்டு எஸ்பி கண்ணன் ஆகிய இருவரையும் கைது செய்ய வலியுறுத்தி தூத்துக்குடி மாவட்ட ஆட்சியர் அலுவலகம் முன்பு அனைத்திந்திய ஜனநாயக மாதர் சங்கம் சார்பில் கண்டன ஆர்ப்பாட்டம் நடந்தது. மாவட்ட செயலாளர் பூமயில் தலைமை வகித்தார். இதில், மாவடட தலைவர் விஜயலட்சுமி, மாவட்ட துணைச் செயலாளர் கலைசெல்வி, மற்றும் நிர்வாகிகள் உலகமணி, செல்வி, கவிதா, ஜெயலலிதா உட்பட பலர் கலந்து கொண்டனர்.