தூத்துக்குடி உரக்கிடங்கு பகுதியில் அடர் காடுகள் வளர்ப்பு திட்டம்: மாநகராட்சி அனுமதி!!

தூத்துக்குடி தருவைகுளம் உரக்கிடங்கு பகுதியில் WE CAN TRUST தொண்டு நிறுவனம் மூலம் அடர் காடுகள் அமைத்து 3 ஆண்டுகள் பராமரிக்க மாநகராட்சி அனுமதி அளித்துள்ளது.

இது தொடர்பாக தொண்டு நிறுவன இணைச்செயலாளர் செந்தில் ஆறுமுகம் செய்தியாளர்களிடம் கூறுகையில், தூத்துக்குடி மாநகராட்சி பகுதியில் மியாவாக்கி முறையில் ஒரு லட்சம் மரக்கன்றுகள் நடும் திட்டம் செயல்படுத்தப்பட்டு வருகிறது. அதன் ஒரு பகுதியாக தருவைகுளம் உரக்கிடங்கு பகுதியில் ஏறத்தாழ 15 ஏக்கா் பரப்பளவில் மியாவாக்கி முறையில் ஒரு லட்சம் மரக்கன்றுகளை தொண்டு நிறுவனங்கள் மற்றும் தன்னாா்வலா்கள் உடன் இணைந்து நடவு செய்யும் பணி மேற்கொள்ளப்பட்டு வருகிறது.

தற்போது   WE CAN TRUST தொண்டு நிறுவனம் மூலம் மியாவாக்கி முறையில் அடர் காடுகள் அமைத்து 3 ஆண்டுகள் பராமரிக்க தூத்துக்குடி மாநகராட்சி நிர்வாகம் அனுமதி அளித்துள்ளது. வருகிற 24-ஆம் தேதி தருவைகுளம் உரக் கிடங்கில் வைத்து மரக்கன்று நட்டி துவக்க விழா நடைபெற  உள்ளதால் பல்வேறு தொண்டு அமைப்புகள் பங்கேற்குமாறு தெரிவித்தார்