லாரி - பேருந்து மோதல்: ஒருவர் பலி - 8பேர் படுகாயம்

வல்லநாடு அருகே பேருந்து மீது லாரி மோதிய விபத்தில் ஒருவர் உயிரிழந்தார். டிரைவர் உட்பட 8பேர் படுகாயம் அடைந்தனர்.

தூத்துக்குடியில் இருந்து நிலக்கரி ஏற்றிக் கொண்டு வந்த லாரி, வல்லநாடு அருகேயுள்ள பனியன்   கம்பெனி அருகே  வந்தபோது, டயர் வெடித்து நிலை தடுமாறி திருநெல்வேலியில் இருந்து வந்த அரசு பேருந்து மீது மோதி விபத்துக்குள்ளானது. இதில் ஒருவர் சம்பவ இடத்திலேயே உயிரிழந்தார். மேலும், லாரி சாலையில் உள்ள தடுப்பு சுவரில் மோதியதில் தலைகீழாக கவிழ்ந்தது லாரி டிரைவர் படுகாயம் அடைந்தார். இவ்விபத்தில் 8 பேர் படுகாயம் அடைந்தனர். காயம் அடைந்த அனைவரும் சிகிச்சைக்காக அரசு மருத்துவமனைக்கு கொண்டு செல்லப்பட்டனர். விபத்து குறித்து முறப்பநாடு போலீசார் விசாரணை நடத்தி வருகின்றனர்.