தூத்துக்குடி - மைசூர் சிறப்பு ரயில் சேவை நீட்டிப்பு : கால அட்டவணையில் மாற்றம்

தூத்துக்குடி - மைசூர் சிறப்பு ரயில் சேவை ஜனவரி 31ம் தேதி வரை நீட்டிப்பு செய்யப்பட்டுள்ளது. 

இது தொடர்பாக தெற்கு ரயில்வே வெளியிட்ட செய்திக்குறிப்பு : வண்டி எண் 06236 மைசூர் - தூத்துக்குடி சிறப்பு ரயில் 31.12.2020 வரையும், வண்டி எண் 06236 தூத்துக்குடி - மைசூர் சிறப்பு ரயில் 01.01.2021 வரையும் இயக்கப்படுவதாக ஏற்கனவே அறிவிக்கப்பட்டிருந்தது. தற்போது பயணிகளின் வசதிக்காக வண்டி எண் 06236 மைசூர் - தூத்துக்குடி சிறப்பு ரயில் 01.01.2021 முதல் 30.01.2021 வரையும், வண்டி எண் 06236 தூத்துக்குடி - மைசூர் சிறப்பு ரயில் 02.01.2021 முதல் 31.01.2021 வரையும் சேவை நீட்டிப்பு செய்யப்பட்டுள்ளது.

23.12.2020 முதல் மைசூர் - தூத்துக்குடி - மைசூர் சிறப்பு ரயில்களில் கால அட்டவணையில் சிறிய மாற்றம் செய்யப்பட்டுள்ளது. அதன்படி வண்டி எண் 06236 மைசூர் - தூத்துக்குடி சிறப்பு ரயில் திண்டுக்கல்லில் இருந்து காலை 06:30 மணிக்கு பதிலாக காலை 06.35 மணிக்கும், மதுரையிலிருந்து காலை 07:35 மணிக்கு பதிலாக காலை 07.50 மணிக்கும், விருதுநகரிலிருந்து காலை 08.25 மணிக்கு பதிலாக காலை 08.40 மணிக்கும், கோவில்பட்டியிலிருந்து காலை 09:10 மணிக்கு பதிலாக காலை 09.25 மணிக்கும், வாஞ்சி மணியாச்சியிலிருந்து காலை 10.05 மணிக்கு பதிலாக காலை 10.00 மணிக்கும் புறப்பட்டு முற்பகல் 11.15 மணிக்கு பதிலாக முற்பகல் 11.10 மணிக்கு தூத்துக்குடி சென்று சேரும். 

மறுமார்க்கத்தில் வண்டி எண் 06235 தூத்துக்குடி - மைசூர் சிறப்பு ரயில் தூத்துக்குடியில் இருந்து மாலை 04.25 மணிக்கு பதிலாக மாலை 04.30 மணிக்கும், வாஞ்சி மணியாச்சியில் இருந்து மாலை 05.07 மணிக்கு பதிலாக மாலை 05.02 மணிக்கும், கோவில்பட்டியிலிருந்து மாலை 05.45 மணிக்கு பதிலாக மாலை 05.35 மணிக்கும், விருதுநகரிலிருந்து மாலை 06.30 மணிக்கு பதிலாக மாலை 06.35 மணிக்கும், மதுரையிலிருந்து இரவு 07.45 மணிக்கு பதிலாக 07.50 மணிக்கு புறப்பட்டு, பின்பு திண்டுக்கல்லில் இருந்து இரவு 09.15 மணிக்கு பதிலாக இரவு 09.10 மணிக்கு புறப்படும்" என செய்திக்குறிப்பில் தெரிவிக்கப்பட்டுள்ளது.